« شور حماسی ؛ الّا حسین »
#حسین_کیمدی
.
.
محمد علی مصیبی تبریزی
.
.
کیمدی سردمدار مُلک نینوا الّا حسین
کیمدی پرچمدار دین مصطفی الّا حسین
.
.
سس گلنده روز ازّل کیمدی پرچمدار عشق
اولمادی بیرکیمسه ده جرأت ائده اظهار عشق
سینه سین وئردی قباقه سید و سالار عشق
کیمسه نین شأنینده دور قالوا بلی الّا حسین
.
.
کیمدی دشت نینواده رخت ذلت گیمیَن
کیمدی تیر ننگ و خفت سینه سیندن دگمیَن
باش وئرن شمره ولیکن ظلمه باشین اگمیَن
کربلانی کیم ائدوبدور کربلا الّا حسین
.
.
کیمدی آللهین یولوندا اگدی باشین خنجره
دینه خاطر کیم سالوب اهل و عیالین چوللره
هانسی شاهین باشینی دشمن یاتیردوب کوللره
کیمدی اولسون بیله درده مبتلا الّا حسین
.
.
هانسی شاهه جبرئیل اولدی اوشاقلیخدا لَـلـَه
هانسی شاهن باشی مقتلده دوشوب الدن اله
هانسی شاهن سینه سینده آت چاپیردوبلار بئله
هانسی شاهه آغلادی عرش خدا الّا حسین
.
.
کیمدی بو؛ دامان پاکیندن اونون عالم دوتوب
کیمدی بو؛ گویلرده عیسی ،آدینه پرچم دوتوب
هانسی شاهن مادری کوللرده بزم غم دوتوب
کیمسیه آلله ئوزی دوتدی عزا الّا حسین
.
.
هانسی شاهن حقینی ناحق ائدوب قوم سقیم
هانسی شاهن باشی نوک نیزه ده اولموش مقیم
کیم دیوبدور ام حسبت انّ اصحاب الرقیم
کیمسه نین باشی ائدوب نی ده دعا الّا حسین
.
.
کیمسه عشقیله ئوز اوغلون یوللیوبدور مقتله
کیم اوغول نعشین عبایه ییغدی بی بغض وگله
رزمگاه ایچره قالوبدور هانسی شه،یالقیز بئله
کیم ئوز اوغلون ائتدی لب تشنه فدا الّا حسین
.
.
هانسی شاهن جامینه صهبای غم دولدیردیلار
صرصر ظلمیله گلشنده گولون یولدیردیلار
هانسی شاهن آچمامیشدان غنچه سین صولدیردیلار
کیمسیه کرب وبلا اولدی منا الّا حسین
.
.
کیمدی طوفان بلاده بیله اولسون خونجگر
آلتی آیلیق تشنه لب اوغلون ائده دینه سپر
کیم سپوبدور صودامر قانین گویه یوم خطر
کیم ئورکدن اولدی بو امره رضا الّا حسین
.
.
هانسی شاهن قارداشین اوخلارگلوب دیندیردیلر
بیر عمودیلن اونی آتدان یئره یندیردیلر
هانسی شمع بزمی اون یدّی نفر صوندیدیلر
کیم گوروب بیر بیله درد غمفزا الّا حسین
.
.
کربلاده سو یولون تا باغلیوب قوم دغا
سالدی مشکین چیگنینه سقای دشت کربلا
قول وئرمیشدی گتوررم سو حرمده قیزلارا
کیمسیه دولدوردی مشکین مطلقا الّا حسین
.
.
مشکی باسدی باغرینا تا رخت محنت گیمیه
سویله دی بو قدّیمی اوخلار گرکدور اگمیه
گوزلریمدن دگسه ده اما بو مشکه دگمیه
کیم دیئر بو اقتداره مرحبا الّا حسین
.
.
راه نخلستاندا اما اولدی قوللاری قلم
وردیلاراوخ صاق گوزوندن سرنگون اولدی علم
مشکی تا اوخلاندی دوشدی توپراقا میرحرم
سسله دی ؛ کیم دردیمه ایلر دوا الّا حسین
.
.
آلدی تاقارداش سسین سویلوب؛ قاپوندا بنده یم
خیمه گاهه نعشیمی حمل ایلمه تا زنده یم
هم رقیه ن هم ربابیندن حسین شرمندیم
کیم اولار بو مشکله مشکل گشا الّا حسین
.
.
کلّ شاهنشاهیلر بیر قطره دی دریا حسین
کائناتین دیللری هر روز و شب گویا حسین
کیم«مُصَـیّب»تک دوشنده درده سسلر یاحسین
کیمسه گیزلین دردینه ایلر دوا الّا حسین
.
.
#حسینیه_مدح
#عباسیه_شهادت #عباسیه_مصیبی_تبریزی
#کیمدی_سردمدار_ملک_نینوا_الا_حسین
#مصیبی_تبریزی
#ترکی
#زبدةالاشعار
نظر دهید