غدیریه
#گریز به #فاطمیه_شهادت
.
.
.
حاج ناصرتبسّمی ( صفا )
.
کیمون عقیده سی اولسا علی ولایتینه
یقین اَلی یتیشر حضرتین شفاعتینه
.
سفارش ایلیوب الله علیّ اعلانی
غدیر خمّده کلاً یارانمش امتینه
.
سنهٔ نهم هجرتده احمد مرسل
مشرّف اولموشیدی کعبه نون زیارتینه
.
ائلیکی ختمه یتیردی مناسک حجّی
دیار یثربه وئردی ادامه رجعتینه
.
امین وحی خدا جبرئیل خوش منظر
یتیشدی یولدا رسول گرام خدمتینه
.
دئدی پیمبره بعد از درود و عرض سلام
قولاق وئر امر خدای جلیل دعوتینه
.
سنه بو حجّی خدا حجة الوداع بویوروب
گرک صفا وئره سن میلی واردی جنتینه
.
غدیر خمّده ساخلات تمام قافله نی
جماعتی ائله تشویق علی ولایتینه
.
گر ایستسون اولا امر رسالتون تکمیل
بو گون عمل ائله فوراً خدا وصیتینه
.
بویوردی حضرت حق مرتضی وزیروندی
اورکلری ائله آماده شور حرمتینه
.
ایکی جهاندا عزیز خدای رحماندی
کیم آچسا دست محبت علی حمایتینه
.
غرض پیمبر رحمت مطیع رب جلیل
مصمّم اولدی علینون بروز شوکتینه
.
غدیر خمّده حجّاجی امر ائدیب دورسون
گئدن قیتدی گلنلر دایاندی رفعتینه
.
تهیه اولدی جهاز جمالدن منبر
جلوس ائدیبدی پیمبر دل آچدی صحبتینه
.
یاپیشدی حضرت علینون الین آپاردی گویه
اوخودی خطبه خداوند پاک مدحتینه
.
سورا بیوردی بیلون آخرین وداعیمدی
یارانمیش ئولملیدی یوخ تأسف حکمتینه
.
منه علینی وصیّ انتخاب ائدیب الله
گرک هامی اولاحاضر اونون اطاعتینه
.
تمام انفس و آفاقی ایلیون آگه
توجه ایلیه لر بو سوزین رعایتینه
.
منی اولار که بیلرحیّ ذوالجلاله رسول
علی کفیلیدی مندن صورا طریقتینه
.
مرا بداند هر آن شیعه بر خودش مولا
عم اوغلوم حیدری بیلسون آقا شریعتینه
.
منه و آللها دشمندی بلکه کافردی
گر ائتسه هر او کس اقدام علی عداوتینه
.
علیدی اوّل امامت تاجین قویوب باشینا
اولار کی دوز صود امیب شاد اولوب امامتینه
.
رئیس و خاتمه ی انبیای دین منیدیم
علی سریر ولایت آلیب سیادتینه
.
علیدی مظهر ذات حکیم لم یزلی
علی بهانه دی هر مسلمین سعادتینه
.
علی او کسدی تمام عدل گستر انسانلار
چکللر حسرت اورکدن گوزل عدالتینه
.
قسیم دوزخ و جنتدی حیدر کرار
یتیشمیوبدی یتیشمز بیری جلالتینه
.
بیر عده بیعت ائدیب صادقانه حضرتیلن
بیر عده بعد نبی دوشدی دیو صورتینه
.
سالیبدی فرصت اله بی وفا منافقلر
ال اچدی اوّل و ثانی عیان خیانتینه
.
علینی خانه نشین ائتدیلر ایگرمی بش ایل
مخالف اولدی ریاست طلب خلافتینه
.
سلام ائدردی سلامین جماعت آلمازدی
دیردی فاطمه آغلاردی دل جراحتینه
.
عم اوغلی غم یمه سویلردی ای وفاداریم
اوزوم رضایم آقا حکموون رضایتینه
.
چخاردیب حُبّ ریاست بیر عده نی یولدان
هزار لعن اولا دنیای دون ریاستینه
.
اولاندا روز قیامت یوزی قرا دشمن
آچالّا دست گدایی علی کرامتینه
.
ولی او لحظه پشیمانلقین ثمر یوخودی
مدام یانمالیدی آتش جهالتینه
.
عم اوغلی واردی منیمده اورکده چوخ محنیم
دینمورم اورگون اوتلانا حرارتینه
.
منیمده حالیمه بو شهرده یانان یوخدور
اثر قویوبدی بو دورد شاخه گل طراوتینه
.
نماز صبحی قیلوب اؤز ائویمی ترک ائدرم
ویرار اوشاقلاریمون لطمه استراحتینه
.
بالالاریملا بیابانه یوز قویوب گئدروک
گوزوم یاشین توکرم غصه لر علامتینه
.
حسین دیور آناجان بو نه حال و مسئله دور
ندور سبب بو چولون مسکن و اقامتینه
.
دینمورم حسنینه بالا یوخوم چاره
گرک دوزوم بو بیابان غم فراغتینه
.
نجه دیوم اؤز ائویمده یوخومدی امنیت
واریم حیا بو سوزون مطرح و صراحتینه
.
علی ولایتین ایلوب « صفا » اورکده نهان
الینده تحفه گئده یوم حشر خدمتینه
.
#غدیریه
#کیمون_عقیده_سی_اولسا_علی_ولایتینه
#ناصر_تبسمی
#ترکی #حیدریه
#زبدةالاشعار
نظر دهید