غدیریه
.
.
.
کربلایی ابوالفضل عباسی معروفان اهری
.
جبرئیلم آقاجان حامل پیغامم من
یار درگاه خدا عامل الهامم من
.
نازل اولدوم سنه بیر تازه پیامیم واردی
وحی داراسیم و قاصد خوشنامم من
.
یوم بیر یوم مبارکدی صفا هنگامی
مظهر شادیم و قابض آلامم من
.
من دیوم سنده ائشیت امر حق یکتانی
گنج آیات خدا ، منبع احکامم من
.
همدم اولسان منه گر منده سرافراز اوللام
نچه ئیلدور که سنه همدم ایامم من
.
حق سلام ائتدی سنه بعد سلام ای احمد
آگه اول مقصدیمه عالیه فرجامم من
.
امر ائله قافله مکه دایانسون بو زمان
حاجیلر جمعینه همراه دل آرامم من
.
دینی تکمیل ائده سن امر حق یکتادی
امره معذورم و محکوم به اعلامم من
.
یومُ اَکمَلتُ لَکُم دینکُم اظهار ایله
دی پیمبرلره گر ختم و سرانجامم من
.
ایستورم فاش اولا مندن صورا مولا کیمدی
فکر امَّتدییم و رهبر اسلامم من
.
دئنن ای امت من اولماسا دینیم تکمیل
چاتمارام مقصده هر آینه ناکامم من
.
خالقه تکیه ائدوب حیدری تکریم ایله
طالب حکم ولای اَبُ الایتامم من
.
امر سبحانی نبی ایستدی اجرا اولسون
امر ائدوب منبر او ماواده مهیا اولسون
.
واریدی هرنه کجاوه قورولوب بیر یئرده
تا مهیای سخن حضرت طاها اولسون
.
منبرین اوسته چخوب عرض سلام ائتدی ازل
رسم احبابیله تا مطلبه گویا اولسون
.
اوخودی بیر نچه آیه گهرِ قرآندان
قطره لر باهم اولوب راهی دریا اولسون
.
دوتدی انگشت اشارت شرف الاحبابه
تا کنارینده علی همسر زهرا اولسون
.
خاشعانه دایانوب حیدر او دم منبرده
گوئیا ماه گلوب زینت دنیا اولسون
.
بویوروب امته ای امت پر احساسیم
ایستورم امر حق داوریم ایفا اولسون
.
بیلیسوز یوخدی وفا عمر بشر کوته دی
بیرده حاشا بئله بیر محفلی برپا اولسون
.
ییرمی اوچ ئیلدی خدا حکمونه من مسئولم
مقصد حق بودی تا دینیمیز احیا اولسون
.
قویمارام کشتی دین لنگر ائده طوفاندا
امتیم بلکه بَری از غم فردا اولسون
.
ائتدی تکلیف منه خالق منان بو سوزی
امر حق ایندی گرک بیر به بیر اجرا اولسون
.
بویوروب قالمیا سندن صورا دین رهبر سیز
بیعت آل تا که علی امته مولا اولسون
.
هر کسون واردی ئورکده سند حبّ علی
ایندی لبیک دئسون حیدره با صوت جلی
.
هامی قالخیزدی الین سسلدی حیدر لبیک
همصدا سسلدی جمعیله پیمبر لبیک
.
اولدی امضا سند و لوح ولای علوی
اوجالوب عرشه وقاریله لوای علوی
.
#غدیریه #حیدریه
#جبرئیلم_آقاجان_حامل_پیغامم_من
#معروف_اهری
#ترکی
#زبدةالاشعار
نظر دهید