حالات امام رضا (ع)
.
✍️ #زبدةالاشعار ✍️
.
🆔: @nohe_torki
.
حاج اصغر احمدیان خسروشاهی
.
کیمون عقیده سی وار عترتیله قرآنه
یقین او بنده دی خلّاق حیّ سبحانه
.
اولار که شیعه اثنی عشر دی مؤمن دی
خلوص قلبیله یوز دوندرر خراسانه
.
گئدر او یرده امام رضایه زائر اولار
دییر اورک سؤزونی ضامن غریبانه
.
ائله صفالی دی صحن و سراسی قبری گوزل
فضاسی عرشدن اعلادی اهل ایمانه
.
بهشته علّت خلقت یاتوب خراساندا
اودور صفاسی دیر مین بهشت رضوانه
.
آچوبدی طوسیده پیغمبر اوغلی مکتب عشق
همین او بزمه گئدر عاشقان فرزانه
.
بیریسی سخت مریض اولسا، لاعلاج اولسا
شفا تاپار مرضی، باخسا گر طبیبانه
.
نئجه رئوف، نئجه بیر طبیب حاذق دور
طبیب لر گیدر اول آستانه درمانه
.
او تحت قبّه سی دارالشفادی هر درده
او یرده نسخه یازار جمله دردمندانه
.
بیریسینون یوزونه راه چاره باغلانسان
او شمع عشقین اولی دوره سینده پروانه
.
دیر آقا قاپووا گلمیشم علاج ایله
بو سائلون بولوسن، مستحقدی احسانه
.
بو باب جودوہ قربان اولوم جواد آتاسی
بالان جواده گوره قیل نظر بو نالانه
.
توجه ائت گله معصومه باجیوا خاطیر
عنایتون اولا شامل بو دل پریشانه
.
سنی قسم وئرورم فاطمه آنان آدینا
فدا او گوزلریوه باخ بو دیده گریانه
.
امیدیله قاپوا گلمیشم اوزاق یولدان
امیدوارم ازلدن او لطف شایانه
.
هامی قوناقلاروا فضل و رحمتون یتیشر
منه ده بیر صله وئر لطف ائدنده مهمانه
.
هر ایل گلوب بو گوزل درگهونده یالوارّام
گوتورّم ال گوزی یاشلی حضور جانانه
.
خدادن ایسته آقا، بیتی نون زیارتینی
نصیب ایلیه بیر وقفه عید قربانه
.
بو شرطیلن صورا کرب و بلا نصیبیم اولا
گئدوب او یرده ایدم ناله شاه عطشانه
.
آلوب قوجاقینه بیر صودامر دییر لای لای
یاتوبدی سینه سی اوسته او نازلی دردانه
.
یاتوب ایاق طرفینده او نوجوان بالاسی
ئولونجه آغلاسام آزدی، او قانه غلطانه
.
ئوزی شبیه پیمبر، آدی علی اکبر
آتا بالا بویانوب تشنه لب قزل قانه
.
یاتوب فرات کنارینده قارداشی عباس
او خوردا قبری اونون اود سالور دل و جانه
.
بلند قامته بیر خورداجا مزار اولماز
وئریلسه شرح دونر گوزده گوز یاشیم قانه
.
قاپوندا «احمدیان» دل شکسته سائل دور
گلوب پای آلماقا، دورموش بئله ذلیلانه
.
.
#رضویه_احمدیان_خسروشاهی
#رضویه_مدح
#کیمون_عقیده_سی_وار_عترتیله_قرآنه
#ترکی
.
✍️ #زبدةالاشعار ✍️
.
🆔: @nohe_torki
نظر دهید