قلب زاریمی دوتوب غصه و محن باجی #حسنیه_فکری_اردبیلی

شهادت حضرت امام حسن (ع)
.
✍️ #زبدةالاشعار ✍️
.
🆔: @nohe_torki
.
#سبک_مسلمون_شهادتی ( 5 سبک سینه زنی و زنجیر )
.
مرحوم فکری اردبیلی
.
قلب زاریمی دوتوب
غصه و محن باجی
یاتما نازیلن اویان
جان وئرور حسن باجی
.
.
باد ظلم اسوب بئله
گلشن پیمبره
گرد غم توکوب عدو
دودمان حیدره
اود ویریلدی عاقبت
قلب سبط اکبره
اولدی ظلمیلن خزان
گلشن و چمن باجی
.
.
سربسر وجودیمه
ائتدی زهر کین اثر
پارچالاندی لبلریم
دوغرانوب یانان جگر
قلبیم اود دوتوب یانور
وئر حسینیمه خبر
سؤیله جان وئرور یتیش
شاه ممتحن باجی
.
.
قوی حرملر آغلاسون
زینبیم سن آغلاما
ساکت اول آنام باجی
جان وئرورم آغلاما
هی دئمه فغانیلن
سولدی گلشن آغلاما
گلمه شیونه سن ای
درد و غم چکن باجی
.
.
آیریلیق سالور سنون
نار غم تفاقیوه
رنج و غم ترانه سی
هی گلور قولاقیوه
اکبری آلاندا آل
قاسمی قوجاقیوه
قویما یاندیرا اونی
آتش محن باجی
.
.
صبر ائله آماندی بیر
آلما زلفووی اله
آغلاما بو سینه می
قویما تیر غم دله
آخرین نفسده قوی
قارداشیم حسین گله
بلکه ایلیم اونا
دردیمی علن باجی
.
.
ای قلم اؤرکده بو
«فکری»نون نواسی وار
بی ریا عزالرون
چوخ آغیر بهاسی وار
هر غمون بو دهریده
بیر غم آشناسی وار
یاتما نازیلن اویان
جان وئرور حسن باجی
.
.
.
.
#حسنیه_شهادت
#قلب_زاریمی_دوتوب_غصه_و_محن_باجی
#حسنیه_فکری_اردبیلی
#ترکی
.
✍️ #زبدةالاشعار ✍️
.
🆔: @nohe_torki