یا حسین
« سن بوجَمعه باخماسان آللّهدا باخمازیاحسین»
.
✍️ زبدة الاشعار ✍️
?: @nohe_torki
.
مصیبی تبریزی
.
کیم ئورکدن یاحسین سسلر داریخماز یاحسین
عاشقون رنگ مجازی حُسنه یاخماز یاحسین
خنجر اعجازیوی کیم قلبه تاخماز یاحسین
«بی سبب گوزیاشیمیز رخساره آخمازیاحسین
سن بو جَمعه باخماسان آللهدا باخمازیاحسین»
.
.
اسم اعظم دور آدون هردرده درمان گوندرر
آدیوین عشقونده قلبیم چرپونار قان گوندرر
سن دئسن ؛ حتی خداده میّته جان گوندرر
کیمسه رنگ عشقیوه قلبین بویاخمازیاحسین
«سن بوجَمعه باخماسان آللّهدا باخمازیاحسین»
.
.
شیعه نین عیساسی،دم وئربیزسنون دمسازیووخ
سن سپهسالار رُکن عشق بیز سربازیووخ
چاره سیزدور دردیمیز سرگشتۀ اعجازیووخ
شیعه لر ، دامانیوی بیرآن بوراخمازیاحسین
«سن بوجَمعه باخماسان آللّهدا باخمازیاحسین»
.
.
دوزدی درگاهوندا مولا بنده گمراهیوام
چوخ گوناهیم وار ولی فکرایله مه بدخواهیوام
هرنه اولسام هرنه اولسام سائل درگاهیوام
تا سنون سایندیم غم قلبی یاخماز یاحسین
«سن بوجَمعه باخماسان آللّهدا باخمازیاحسین»
.
.
دوشدی باشین مین بلا و درده؛ باشون اگمه دون
چیخدی باشون نیزیه گویلرده؛ باشون اگمه دون
سن علی نین اوغلوسان نامرده؛ باشون اگمه دون
باش کی چیخدی برج عشقه بیرده آخمازیاحسین
«سن بوجَمعه باخماسان آللّهدا باخمازیاحسین»
.
.
کربلا مشتاقیوخ حسرتده آغلاتما آقا
آیری بیر جَمعه بیزیم بو جمعی گل قاتما آقا
گوزلرون قربانیوخ گوزدن بیزی آتما آقا
گوزدن آتسان صیحه میزگویلرده شاخمازیاحسین
«سن بوجَمعه باخماسان آللّهدا باخمازیاحسین»
.
.
یاحسین سن بیریانا عالمده شه لر بیریانا
شهلر اوغلی بیریانا شهزاده اکبر بیریانا
کل عالم بیر یانا صد پاره پیکر بیریانا
پیکرین،گوریاندیروب آفاقی یاخماز یاحسین؟
«سن بوجَمعه باخماسان آللّهدا باخمازیاحسین»
.
.
اونداکی آتدان دوشوبسن توپراقا؛ شاه حجاز
یوزدوتوبسان گویلره حقدن یتیشسون امتیاز
ایسته دون آللهیدن قول شفاعت حین راز
سس گلوب عاشق دوزر امّا داریخماز یاحسین
«سن بوجَمعه باخماسان آللّهدا باخمازیاحسین»
.
.
دوزدی صدچاک اولموسان چوللرده امر ذوالمنه
قوملار اوسته یاتماقین امّا صفا یوللور منه
منده محشرده شفاعت پرچمین وئررم سنه
حشریده بیرآیری پرچم عرشه قاخماز یاحسین
«سن بوجَمعه باخماسان آللّهدا باخمازیاحسین»
.
.
یاز«مصیب» یازدیقون سوزلر دوشر الدن اله
یازگیلن تا تیر احساسین عدو قلبین دله
یاز حسینون پرچمی یاتماز مگر مهدی گله
یاز بوجمعین بی سبب گوزیاشی آخمازیاحسین
«سن بوجَمعه باخماسان آللّهدا باخمازیاحسین»
.
.
#حسینیه_مدح
#کیم_ئورکدن_یاحسین_سسلر_داریخماز_یاحسین
#مصیبی_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید