استمداد حضرت ابوالفضل(ع)
.
✍️ زبدة الاشعار ✍️
?: @nohe_torki
.
علیوی
.
یتیش هرایه یاحسین اوزولدی تن نن اللریم
یوبانما خیمه لرده چوخ بویاندی قانه پیکریم
.
نه گل یارالی جسمیمی بو اشقیادن آلماقا
نه دردیمه دوا گتور نه گل بو حاله یانماقا
فقط جنازم اوسته گل بیلوم که راضی سن آقا
دیوم خدایه شکر اولا که راضی اولدی رهبریم
.
دئدیم که نوکرم سنه ولی لیاقت اولمادی
علم یاتاندا دوتماقا الیم سلامت اولمادی
داغلدی مشگیمون سویی خیامه قسمت اولمادی
بویور گیلیلی اولماسین منیم حیالی ائللریم
.
منیم یارالی جسمیمی سالوب حصاره شامیان
ویرولّا یاره اوستونه دوباره یاره شامیان
نه شیره رحم ائدر اخا نه شیرخواره شامیان
سوسوز مزاره یولّانار یقین علی اصغریم
.
یامان گونومدی درک ائله اسیر اهل غفلتم
علم دوشوبدی تپراقا اودور که غرق محنتم
سو یوخدی خیمیه گلم رقیّه دن خجالتم
یقین یولومی گوزلیور خیَمده تشنه لبلریم
.
سولان بهاره وئر خبر وفالی باغبان گدور
چمنده لاله گوللری سولوبدی باغریقان گدور
دنن رقیّیه عمون مزاره ناگران گدور
اونون یرینده کاش منیم سولیدی روی احمریم
.
اگرچه ایندی خیمه ده سوسوزدان اصغر آغلیور
باخور سولان جمالینه هامی حرملر آغلیور
منیمده اوخلی مشکیمه بوتون ملکلر آغلیور
عذاره قانلی یاش توکور بو ماجراده گوزلریم
.
گوی اهلی مرحبا دئدی گورن زمان جدالیمی
داغیلدی سو کسیلدی ال داغیتدیلار حلالیمی
سالوبلار ایندی بیر حالا رقیّه گورسه حالیمی
داخی سو ایستمز منیم او نازلی تشنه دلبریم
.
وداع ائدنده خیمه نی دئمیشدیم آل حیدره
خیامه رجعت ایلرم سو قسمت اولسا اصغره
او مه لقالرین ولی لقاسی قالدی محشره
دگنده اوخ سو مشگیمه قورولدی گرچه محشریم
.
نه آغلورام که دوره می آلوب بو چولده اجنبی
نه آغلورام غبار غم سالوب حصاره کوکبی
فقط بو درده آغلورام اسیر ائدلّه زینبی
گدر سنیق کجاوه ده جلالیلن گلنلریم
.
چکوب برابریمده صف کسوبله راه چاره نی
گوزوم بو ازدحامیده حسینیم آختارور سنی
عمودین ایندی یاره سی یوبانسون ئولدورر منی
یتوبدی جان دوداقیمه گل ای وفالی سروریم
.
عقابیدن دوشنده من ایشیم تاپوردی خاتمه
دئدوم حسینی ای خدا یتور منیم نجاتمه
که گوردوم اوندا اللرین آچوب جناب فاطمه
دیوردی گل قوجاقیمه او قد خمیده مادریم
.
توسل ایله(علیوی) جهاندا آل حیدره
دوشن زماندا مشکله ال آچ او محترملره
که اولیانی وئرسه کیم قسم کسیلمش اللره
روا ائدلّه حاجتین بونا واریمدی باوریم
.
#سبک_دل_شب_ایلیوب_سفر
.
#عباسیه_شهادت
#یتیش_هرایه_یاحسین_اوزولدی_تندن_اللریم
#علیوی
#ترکی
.
✍️ #زبدةالاشعار ✍️
?: @nohe_torki
نظر دهید