گئدور کرب و بلایه ، حسینون آنا زهرا #خروج_مدینه_تقایی_اردبیلی

خروج از مدینه
.
.
#سبک_علی_جان_بالا_لبیک
.
.
مرحوم تقایی اردبیلی
.
.
گئدور کرب و بلایه ، حسینون آنا زهرا
اورک آیریلیقوندان ، دونوبدور قانا ، زهرا
.
.
سنون قبروون اوسته گلوب درد دل ائتسون
صورا ترک مدینه ائدوب غربته گئتسون
دعا ایله مرامه حسینون آنا یتسون
اگر جسمی ستمله دوشه میدانا زهرا
.
.
وطندن گئدورم من اگر موقع حسّاس
بو اسلام عزیزه خطر ایلورم احساس
ائدور ترک مدینه منیله گئدور عباس
اودا دینه فدادور گرک دوغرانا ، زهرا
.
.
یانور درد فراقه قویور تک سنی زینب
ائدور ترک منیله سولان گلشنی زینب
منه همره اولوبدور وفا معدنی زینب
اولوب هم منه باجی قزون هم آنا ، زهرا
.
.
سنون محنت و دردون ائدوب زینبی خسته
اولوب جور عدودن اونون قلبی شکسته
گئدور منله ، دوباره سنون قبروون اوسته
ربابیله اوغولسوز گلر یان یانا ، زهرا
.
.
گرک دینینه خاطر حسین باشلیا نهضت
گرک نوک جداده ائده آیه تلاوت
گرک جانی عربلر ائده خیمه نی غارت
گرک خیمۀ زینب ستمله یانا زهرا
.
.
گرک نیزیه دشمن حسینون وُرا باشین
سیله قزلارون اوندا باجیم یوزده کی یاشین
گرک باشلیا اوندا باجیم سعی و تلاشین
امامی یانار اودّان چکه بیر یانا ، زهرا
.
.
گجه شام غریبان قوراندا منه زینب
باخوب قلبی یاناندا سولان گلشنه زینب
دییَن وقتیده لایلای ساری سوسنه زینب
او بی یاوره سس وئر دییَنده آنا ، زهرا
.
.
اولار خولی ائوینده کولون اوستی فراشیم
گئدر کوفیه مهمان گجه یاره لی باشیم
آخار قانلی کول اوسته منیم گوزده کی یاشیم
حسینون غمی گلمز دئمَکلَه سانا ، زهرا
.
.
یانوب خیمه ستمله قاچاندا چوله قزلار
وروب قمچی سویاندا بالا قزلاری اشرار
قالان وقته او چولده قزون بی کس و بی یار
چاغرسا سنی داده دیرسن جانا ، زهرا
.
.
بوگون ریشۀ دینه اگر لازم اولوب دم(1)
بیز اولاد رسوله غنیمتدی بو بیر دم(2)
گرک قان اولا تزریق رگ دینه دمادم
منیم صود امر اوغلوم گرک اوخلانا ، زهرا
ـــــــــــ
(1) دم = خون
(2) دم = فرصت ، لحظه
.
.
.
#خروج_مدینه
#گیدور_کرب_و_بلایه_حسینون_آنا_زهرا
#تقایی_اردبیلی
#ترکی
.