زبدةالاشعار

صغرایه اولوب گوشۀ زندان وطن اکبر

زبانحال حضرت صغری(ع)
.
✍️ زبدة الاشعار ✍️
?: @nohe_torki
.
مرحوم تقایی اردبیلی
.
صغرایه اولوب گوشۀ زندان وطن اکبر
نه یاده سالان واردی نه دیده گلن اکبر
.
ائتمور بو بوش ائوده بیری صغرادن عیادت
قربان سنه نه تاب قالوب منده نه طاقت
بو تزلیگه سالدون منی گوزدن ندور علّت
یادداندا چخار رسمیدی گوزدن دوشن اکبر
.
مدّتدی گئدوبسن منی بیر یاده سالان یوخ
نه قونشی نه ائل طایفا قیدیمه قالان یوخ
بو مدتی قارداش منه بایراملیق آلان یوخ
نه بیر سوروشان واردی نه دردیم بیلن اکبر
.
هر دم دوزولور آلنما البته سویوق تر
اولمور سیلنیم آلنیمی ای شبه پیمبر
گور بو تب و تابیله یانان بیر باجی نیلر
بو حالدا اونا اولماسا بیر باش چکن اکبر
.
تا باجی سنی گوزدن آتوب نازلی یاریمدا
الدن باجی قربان گوزووه چیخدی واریمدا
قاسم طویونا منده ولی ئوز چیخاریمدا
بیر هدیه تهیه ائلدیم ترمه دن اکبر
.
قورخوم بودی صغری گوروشه اولمیا نایل
گوز یولدا قالا جانین آلا محنت و نسگل
اما یوخودا گوردوم علی اصغر آچوب دیل
هردم آناسین سسلور او شیرین سخن اکبر
.
آلدیم اونی آغوشه ائدم بوسه گوزوندن
دیل یاندی ربابون ولی نسگل لی سوزوندن
آهسته دئدی ئوپ بالامی چیخما یوزوندن
گوردوم که سولوب بیر اوخیلان یاسمن اکبر
.
بیلدیم که پوزوب نقشۀ آمالیمی دوران
بیلدیم که دوشوب بیر حالا یوخدور اونا درمان
بیلدیم کی ربابون قوزی قربانی ایچوب قان
آغلور اونا آهوی دیار ختن اکبر
.
ال سینه ده گوردوم دولانور نازلی رقیه
ظلم اهلی وُران اوددا یانور نازلی رقیه
هردم قاچور هر دم دایانور نازلی رقیه
آغوشیمه چکدیم اونی بیر لحظه من اکبر
.
یاندیم بی بیمون حالینه ای ماه درخشان
سسلردی حسین قلبیم اولوب ظلمیله شان شان
بیر درد دی هجران غمی یوخدور اونا درمان
کیمدور بو پریشان دله درمان ائدن اکبر
.
وای حالیمه گر اولسا یوخوم صادقه رویا
ئوللم داخی هجر عالمی ای ماه دل آرا
تکرار ائدوم اوّلکی سوزی دائمی گویا
صغرایه اولوب گوشه زندان وطن اکبر
.

متن پیشنهادی:  آه او گوندن کربلاده آیری بیر طوفانیدور #اصغریه_محمدرضاصادقی

#سبک_ای_باد_صبا

.
#حضرت_صغری
#صغرایه_اولوب_گوشه_زندان_وطن_اکبر
#تقایی_اردبیلی
#ترکی
.
✍️ #زبدةالاشعار ✍️
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی