گرد غم یاغدی شهر حجازه #فاطمیه_پرند_تبریزی

زبانحال حضرت زینب کبرا(س) در تشیع جنازه حضرت صدیقه طاهره زهرای مرضیه فاطمه زهرا(س)
.
#زبدةالاشعار
.
: @nohe_torki
.
سبک : ای قلم … مطهری …. جامۀ عشقیوی … کاروان رفته منزل به منزل….
.
پرند تبریزی
.
گرد غم یاغدی شهر حجازه
روح طاها گلوب پیشوازه
قوش کیمی پرشکسته گیدیرسن
سن گجیله آنا بزم رازه
قال دویونجا سنه آغلیوم گیت
سینوین یاره سین باغلیوم گیت
.
.
محنتون گلمز حد و شماره
اشگوی ثانی دوندردی قانه
سن جوان وقتی اولدون آتامون
قامتی دوندی غمدن کمانه
قال دویونجا سنه …
.
.
نسگلون گلمز هرگز شماره
اوف اولا گردش روزگاره
فخر نسوان عالم گجیله
حمل اولورمخفیانه مزاره
قال دویونجا سنه …
.
.
اذن اولیدی دالونجا گلیدیم
هاردا منزل ایدورسن بلیدیم
یوخدی سنسیز جهانین صفاسی
سن اولونجه آ نا من اولیدیم
قال دویونجا سنه …
.
.
گجه قالسان آنا دردین آلام
مونس اولسان منه زنده قالام
واقفم محسنی گویلون ایستور
عزتیله یولا صبح سالام
قال دویونجا سنه …
.
.
سیل غم گلدی آشدی باشیمدان
اولدی دریا خجل گوزیاشیمدان
کوچه ده ثانی نه ظلم ایدیبدی
خبر آلام حسن قارداشمدان
قال دویونجا سنه …
.
.
غملرون جلوگردور نظرده
گلم افغانه شام و سحرده
شل اولیدی آنا دست ثانی
ظلم ایدنده سنه رهگذرده
قال دویونجا سنه …
.
.
حقوی داندی بوبکروثانی
یاندیروب ظلم اودوندا جهانی
ترک ایدر لانه سین هرهما کی
ظلم اودوندا یانا آ شیانی
قال دویونجا سنه …
.
.
سالدی صیادی محنت کمنده
لطف ایله یابن زهرا(پرنده)
کربلاده بعقیده دولانسون
قالماسون دلده حسرت اولنده
قال دویونجا سنه …
.
.
.
#سبک_ای_قلم… #سبک_جامه_عشقیوی… #سبک_کاروان_رفته…
.
.
.
#فاطمیه_شهادت
#گرد_غم_یاغدی_شهر_حجازه
#پرند_تبریزی
#ترکی
.
#زبدةالاشعار
.
: @nohe_torki