زبدةالاشعار

حسین ذکرینه گوگلوم اگرچه شایقدور #صادقیه_سعدی_زمان

شهادت حضرت امام جعفر صادق علیه السلام
.
.
.
مرحوم حسینی سعدی زمان
.
.
حسین ذکرینه گوگلوم اگرچه شایقدور
ولی بو یرده خیالیم امام صادقدور
.
بلا بو رسمیدی اهل ولادن آیریلماز
اودور امام همیشه بلادن آیریلماز
.
دیوب بلایه بَلی یکسر عترت یاسین
خلا کلامیدی چون سینی یادن آیریلماز
.
بلا و محنت اسیری امام صادقه باخ
دوزر بلایه غم و ابتلادن آیریلماز
.
ایدوب او سروری خانه نشین بنی عبّاس
تقیّه محنتی اول مقتدادن آیریلماز
.
قویِیدیلر قالا آسوده کاش خانه نشین
گوروردولر که نماز و دعادن آیریلماز
.
جفا و جوریده منصور قویمادی نقصان
جهاندا رسمیدی ظالم جفادن آیریلماز
.
ایدوبدی صادق آل محمّدی مسموم
هوای مُلکی اولان بد هوادن آیریلماز
.
امام او زهریله اوز جدّینه اولوب ملحق
وصیّ ختم رسل مصطفادن آیریلماز
.
وصیّت ایتمیشیدی اوغلی ایتدی غسل و کفن
عمل وصیّته اول پیشوادن آیریلماز
.
جوار حضرت باقرده دفن ایدوب آتاسین
بالا محبّتینه باخ آتادن آیریلماز
.
بقیعیدن قلمیم کربلا اییی آلوری
بو قان اولان اورگیم کربلادن آیریلماز
.
اولوم حسینون او شش گوشه قبرینه قربان
حسین ده اکبر گُلگون قبادن آیریلماز
.
بیله گمان ایدورم ایمدیده یارالی باشین
آلوب دیز اوستونه اول مه لقادن آیریلماز
.
یارا چتیندی اگر اولسا گوز قاباقینده
بو غم او خامس آل عبادن آیریلماز
.
باخاندا ایمدیده سسلر جوان اوغول ایوای
حسین #حسینی بو آه و نوادن آیریلماز

متن پیشنهادی:  باغلاندی چون فرات یولى آل حیدره #فرات #ذهنی_تبریزی

.
#صادقیه_شهادت
#سعدی_زمان
#حسین_ذکرینه_گوگلوم_اگر_چه_شایقدور
#چهارده_معصوم_حسینی ص 246
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی