گرفتار ملال و رنج و آزار آغلاماز آغلار #فاطمیه_علومی_تبریزی

در مصیبت حضرت زهرا (س)
.
.
علومی تبریزی
.
.
گرفتار ملال و رنج و آزار آغلاماز آغلار
دچار پنجۀ اشرار خونخوار آغلاماز آغلار
.
دل مظلومی ظالم کینه سی قان ایله مز ایلر
کسیلسه هر طرفدن چاره ناچار آغلاماز آغلار
.
اسیر درد و غم بیر کنج خلوت ایستمز ایستر
گوزی یولّاردا قالسا بیر گرفتار آغلاماز آغلار
.
نجه آرام اولی بیر باغبان گورسه خزان گلدی
نه بیر بلبل قالور نه گل نه گلزار آغلاماز آغلار
.
خیالیم وار دییم زهرا غمین بزم مصیبتده
اولان بو قصّه دن هر کیم خبردار آغلاماز آغلار
.
یازولار صادق آل محمد دن بو اخباری
کتاب غمده گورسه اهل اخبار آغلاماز آغلار
.
پیمبردن صورا ئولدوردولر زهرانی ظلمیله
نجه بو ماجراده آل اطهار آغلاماز آغلار
.
دُر گنجینۀ طاها شکسته گیتدی دنیادن
بو درده مرتضی تک بیر خریدار آغلاماز آغلار
.
یاناندا درگهی هاردیدی زهرا یا رسول الله
گلینجه حجّت قائم عزادار آغلاماز آغلار
.
فشار در بتولین سندیراندا سینه سین یارب
مدینه ملکی ائتمز ناله دیوار آغلاماز آغلار
.
اوجالسا نالۀ محسن او دمده بطن مادردن
نه نوعی شوره گلمز حلقه مسمار آغلاماز آغلار
.
او هانسى خصم دی توپراقلار اوسته یخدی زهرانی
دیولسه قانه دونمز سینه حضار آغلاماز آغلار
.
او ظلمیله بتولین عاقبت عمری تمام اولدی
یتیم اولادی قالدی بی پرستار آغلاماز آغلار
.
علی المرتضی قویدی مزاره جسم زهرانی
دلنده نصف شب آه شرربار آغلاماز آغلار
.
نه حکمت واردی قبری گزلنوب یا صاحب اسلام
نجه بو حسرتیله چشم زوّار آغلاماز آغلار
.
.
#فاطمیه #علومی_تبریزی #ترکی #زبدةالاشعار #فاطمیه_شهادت