گوزونده آتش غم چکور زبانه آنا #فاطمیه_پریشان_تبریزی

زبانحال امام حسین (ع) در شهادت مادر
سوال و جواب
.
.
#سبک_ای_آسمان_غمون
.
.
پریشان تبریزی
.
.
.
گوزونده آتش غم چکور زبانه آنا
بلایه غملی باشون اولوب نشانه آنا
نه بیر منه باخوسان نه دردیوی دیوسن
حسینی غصه لرین گتیردی جانه آنا
وفالی آنام ایوای
حیالی آنام ایوای
یارالی آنام ایوای
آنام لایلای
.
.
.
حسینون ئولسون اویان یارالی یاتما آنا
بئله بالالاریوی گؤزوندن آتما آنا
گَلیدی گؤزلریمه قاداسی گؤزلریون
گونون باتان چاغی گل بو نوعی باتما آنا
لاله، سوسنه آغلار
گللرگلشنه آغلار
اطفالون سنه آغلار
آنام لایلای
.
.
.
علی مارالی حسین سینه م مدالی حسین
ندور علاجی اولوب باشیم بلالی حسین
یارالی سینمه گل بیرآزدا عطرین آلیم
گئدور مزاره آنان اورک یارالی حسین
چوخ اولما گؤزی گریان
آغلاما سنه قربان
آغلار چون سنه قرآن
بالام لایلای
.
.
.
علی کیمی یاراشیق وئروب خدا گؤزوه
ندن بولوطکیمی یاش دولوب قرا گؤزوه
او گوزلرین قاداسین گوزه ملکلرآلار
حسینیم آغلاما چوخ آنان فدا گؤزوه
گُللر گُلشنه آغلار
گُلشنلر منه آغلار
زهراده سنه آغلار
بالام لایلای
.
.
#فاطمیه #پریشان_تبریزی #فاطمیه_شهادت #ترکی #زبدةالاشعار