تبعید حضرت زینب سلام الله علیها
.
زبدة الاشعار
.
: @nohe_torki
.
مرحوم حسین #طوری_تبریزی
.
گر ایسته سه بله هر کیم محبته آمار
گرک محبت زینبدن اخذ ایده معیار
.
مدینه دن که او گون دوشدی قارداش آردینجا
او هر قدمده اولوب قارداشا شریک اسرار
.
نه چکدی کرببلاده او بانوی عصمت
نه ظلملر ایلیوب کوفیان کینه شعار
.
حسینیدن صورا اون دوقوز آی قالوب بو خانم
واریمدی بو سوزیمه الده معتبر اخبار
.
حسینیدن صورا هر گون خانملارین بیریسی
مصائبین او شهین بیر بیر ایتدیلر اظهار
.
عزا مجالسی اولموشدی سربسر ایولر
ایدردی ناله خواتین دیده سی خونبار
.
یازوب بو قصه نی حاکم یزید ملعونه
سنون ریاستیوه بُل بو قصد صدمه وورار
.
گوتوردی والی یَه یازدی یزید برنامه
دایانما زینبی تبعید ایله اوزون زینهار
.
یتوردی بو سوزی زهرا عزیزینه والی
ایشیق گونوز اولوب علیا جنابه لیله تار
.
دیدی آنام کیمی چوللرده ایلرم افغان
حسینه لازمه دور منده جان ایدم ایثار
.
گوتوردی بیر نچه بانو مجلله همراه
مشایعت ایلدی اهل شهر خورد و کبار
.
بو قصه دن اولوب آگه او گون که والی مصر
دیدی گرک هامی پیشواز ایده صغیر و کبار
.
حسین باجیسی بو شهره ایلوری اجلال
کجاوه سینه اونون ایلیون گلاب نثار
.
دوشوبدی والی کجاوه یانینجا مثل غلام
گوروم اولا ایکی دنیا یزید بیدین خوار
.
خلاصه بیر نچه گون مصریده صباح و مسا
توکردی گوز یاشی گل عارضینه همچون ثار
.
یتوشدی #ماه_رجب روز شنبه اون دوردی
غروب وقتی اولوب روحی جسمیدن چو کنار
.
وقایه ایلدی روحین حسینه جان ویردی
اونون او حالینه یکسر خانملار آغلادیلار
.
اونون او غربتی ایله نشست ایتدی دله
گلوبدی نالیه یکسر او دم در و دیوار
.
گلوبدی غسلینی ویرسون او دمده غساله
نه گوردی سینه ده اوز اللری او کان وقار
.
کنار ایدنده الین گوردی قانلی بیر کوینگ
باسوبدی سینه سینه جان کیمی اولوب گلنار
.
چیخاتدی گل بدنیندن لباسینی بیر بیر
ساتاشدی گوزلری گوردی بدن اولوب خونبار
.
دیدی بو جسمه گلون سیزده دقتیله باخون
ندن بدن گوگروب سرین ایلیون اظهار
.
وورا وورا بونی مقتوله ایلیوبله یقین
بو حالی الدن آلوبدور قرار و تاب نه وار
.
دورون ایاقه هامی ناله و فغانیله
خرابیه گوزی یاشلی ایداق بر یرده گذار
.
آلوبدی طاقتینی «طورینین» بو غم الدن
قلم دایاندی صحیفه اود دوتوبدی یانار
.
.
#زینبیه_شهادت
#گر_ایسته_سه_بله_هر_کیم_محبته_آمار
#ترکی
.
#زبدةالاشعار
.
: @nohe_torki
متن های پیشنهادی برای شما
حسین گل زینبون نالاندی قارداش #زینبیه_محمدتقی_میرزایی
زبانحال حضرت زینب کبری سلام الله علیها درحال احتضار . #سبک_بیا_یابن_الحسن_آرام_جانم … ۳ سبک … کجائید ای شهیدان خدایی … جوشی زنجیر مشابه . محمدتقی میرزایی . . . حسین گل زینبون نالاندی قارداش گوزی یولدا قالوب گریاندیبیشتر
یافاطمه بو غمده فغان شیعه لر ایلر #فاطمیه_دلریش
شهادت حضرت زهرا (س) . #زبدةالاشعار . : @nohe_torki . مرحوم #دلریش . یافاطمه بو غمده فغان شیعه لر ایلر جاری یوزه گوز یاشینی شام و سحر ایلر . . بیر شور دوشوب عالم امكانه بو غمدن هر یرده اولوب چیده عزاخانه بو غمدنبیشتر
حسین تشنه لبون قاننی آلان گله جاخ #مهدیه_کهنمویی
یا مهدی . #زبدةالاشعار . : @nohe_torki . مرحوم سید حسین کهنموئی . حسین تشنه لبون قاننی آلان گله جاخ وئروبدی وعده خدا صاحب زمان گله جاخ دولاندا ظلمیله جوریله بوجهان گله جاخ . بئشینجی سینّه یئتیشمیشدی ایلیوب غیبتبیشتر
ای اهل جهان رکن هدا را بشکستند #حیدریه_علی_شهودی
شهادت امیرالمومنین حضرت علی علیه السلام ـ ـ زبدة الاشعار ?: @nohe_torki ـ ـ علی شهودی ـ ـ ای اهل جهان رکن هدا را بشکستند در سجده سر شیر خدا را بشکستند ـ ـ کردند کمین در ره و جستند بناگاه فرق سر سلطان ولا رابیشتر
گچدی گئجه یاری قویولوب مغسله زهرا #فاطمیه_بلادی_اردبیلی
غسل و کف و دفن حضرت زهرا سلام الله علیها متن کامل با مصرع اول #اولادین_ائدر_قلبینی_سوزان_ننه_دردی .. .. .. .. #بلادی_اردبیلی .. .. .. .. گچدی گئجه یاری قویولوب مغسله زهرا آلدی الینه سنموش الی زینب کبری قاره چکیلوب جنتهبیشتر
ای خراسان شهرینه زینت سلام اولسون سنه #رضویه_دلکش_زنجانی
مدح حضرت امام رضا علیه السلام . زبدة الاشعار . : @nohe_torki . مرحوم احمد رمضانی ( دلکش زنجانی ) . ای خراسان شهرینه زینت سلام اولسون سنه مظهری ذات اولوهیّت سلام اولسون سنه . روز میلادینده وار بیر افتخار باصفا جنتبیشتر
نظر دهید