میلادیه حضرت زینب سلام الله علیها
.
✍️ زبدة الاشعار ✍️
.
🆔: @nohe_torki
.
حاج اصغر فرشچی ( عدلی تبریزی )
.
آچدی بیر گل گلستاندا فاطمه ریحانه سی
بو آچان گل زینب آدلاندی حسین دیوانه سی
اهل عصمتدن بو گون زهرایه بیر بنزر گلوب
کشتی و فُلک نجاته بیر آغیر لنگر گلوب
مژده ویرعاشقلره عشق اهلینه رهبر گلوب
گلماقیلن اولدی آباد هر گوگول ویرانه سی
بو گلن عشق اهلی دور عشقه گرک قربان اولا
وصل یار آختارماقا الده همین عنوان اولا
گلدی تا قارداشیلن هم عهد و هم پیمان اولا
بو حسینون یاری دور هم عاشق و همخانه سی
گلدی دنیایه حسین عشقینده اولسون بی قرار
ماجرای کربلادن مست اولا دائم خمار
آچماموشدان گوز اولوبدور بو حسینه غمگسار
حب عشق یاریدن لبریز دور پیمانه سی
عشقی تفسیر ائتماقا گلدی یازا دیوان عشق
باغلیا سلطان عشقیله اوزی پیمان عشق
زینب اولسون عشق اسیری قارداشی قربان عشق
دوغدی عاشق زینبی فرزانه لر فرزانه سی
بو گلن دریای عفّت حامی قرآنیدی
عشقی معنی ایتماقا علامۀعرفانیدی
ایلییه رسوا یزیدی فاتح میدانیدی
دخترشیرخدا دور مرتضی دردانه سی
معدن حُجْب و حیادی سالک عُظما قزی
حلم و صبری حیدری دورعلمده دریا قزی
فاطمه امّ ابیها زهرۀ زهرا قزی
شمع عشقین گلدی اولسون هر زمان پروانه سی
گلدی زینب پر ویرا پر یاندیرا پروانه دی
بو شراب عشقیدن مست و خمار دیوانه دی
میل ائدر دائم بو می چون ساکن میخانه دی
بو گلن میخاره دی عشق حسین مستانه سی
بو گلن زینبدی جان بیر قارداشا جانانه دی
نور واحد دن اولان قز عاقل و فرزانه دی
دوز حجابی اولمیان عورتلره بیگانه دی
کربلا زهراسی دور شمس ولا ایوانه سی
گلدی زینب کوفه و شاماته سالسون انقلاب
نطق و احساساتیله دشمن ایوین ایتسون خراب
ایله سون قارداشنی بو نهضتینده کامیاب
باغلاسون تا باغلی قالسون بت پرست بتخانه سی
گلدی زینب بیزلره درس شهامت ئورگده
درس حفظ مکتب خون و شهادت ئورگده
درس عزّت درس غیرت هم کرامت ئورگده
عالمی حیرتده ساخلار صولت مردانه سی
لطف ایدوب سلطان عشقه زینبی جان آفرین
فخر ایده للر شیعه لر خاصّه حسینه خادمین
(عدلیه) بایرام مبارکدی گلوب سوز دلنشین
مدح یازدی زینبه تزئین اولوب کاشانه سی
.
.
#زینبیه_میلادیه
#آچدی_بیر_گل_گلستاندا_فاطمه_ریحانه_سی
#عدلی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید