گر چه قلبی قان ائدر سلطان محشر روضه سی #کاظمیه_ذاکر_زنجانی

شهادت حضرت امام موسی بن جعفر (ع)
.
.
ذاکر زنجانی
.
.
گرچه قلبی قان ائدر سلطان محشر روضه سی
شیعه نی قان آغلادار موسی بن جعفر روضه سی
.
قلبیمه شعله ورار هر لحظه هجران صحبتی
شیعه نین حالین پوزار اوضاع زندان صحبتی
.
فاطمه موساسی قالدی اون بیر ایل زندانیده
قلبی یاندی لحظه لحظه آتش هجرانیده
.
جانه گلدی اون بیر ایلده کنده و زنجیریدن
ائتمدی اما گلایه غصه لی تقدیردن
.
هچ زمان زنجیری دشمن گردنیندن آچمادی
مین شکنجه اولدی اما امتحاندان قاچمادی
.
زندگی قیدین وربدور دشمنه یوز ورمادی
هر نه ظلم اولدی ولی اوز وقرینی سیندیرمادی
.
کیم غریب اولسا الهی قلبینه محنت دولار
کیم ائله زندانه دوشسه غصه دن دق مرگ اولار
.
بیر قوجا سید ائله زنداندا بیلمم نیلدی
جان چیخنجا صبر ادیب حقه عبادت ایلدی
.
سجدیه هر دم دوشردی ناله و افغانیلن
سوزلرین باشلاردی دلده حضرت جانانیلن
.
گوشۀ محبسده غملی سینه سین داغلاردی چوخ
اوز غمینده آغلامازدی جدینه آغلاردی چوخ
.
من دئیردی کربلا اوضاعینه قان آغلارام
قانلی مقتلده سوسوز سلطانه سینه داغلارام
.
گرچه چوخ مدتدی وار بوینومدا بیری کاری یارا
کنده و زنجیر هارا شمشیریلن پیکان هارا
.
چخمیب یادان هله خنجر سوزی بجدل سوزی
قلبیمی قان ایلر الله گودی مقتل سوزی
.
.
.

#کاظمیه #ذاکر_زنجانی #کاظمیه_شهادت #ترکی #زبدةالاشعار