زبدةالاشعار

بو زندانه مگر من سزاوارم الهی #کاظمیه_خوندل_تبریزی

زبانحال امام موسی ابن جعفر (ع)
.
.
#سبک_علی_جان_بالا_لبیک
.
.
مرحوم خوندل تبریزی
.
.
بو زندانه مگر من سزاوارم الهی
که هارونه اسیرم گرفتارم الهی
.
.
اوزون یاخشى بولورسن ایا قادر و غفّار
منی جانه دویوردی بو هارون جفاکار
بو محبسدن اماندور خلاص ایت منی قورتار
معذّبدی وجودیم بیله زارم الهی
.
.
نه بیر همنفسیم وار نه مونس منه بیر کس
غم و غصه هجومی یوروب روحیمی از بس
سخار تنگ قفس تک منی گوشۀ محبس
اودور هر گیجه گوندوز دل افکارم الهی
.
.
نه بیر یاده سالان وار نه وار کیمسه پناهیم
سپهره غم الیندن چخار ناله و آهیم
اؤزون یاخشى بولورسن منیم یوخدی گناهیم
نه تقصیریله بولمم گرفتارم الهی
.
.
نه بیر درد دلیمدن اولور کیمسه خبردار
نه بیر محرم رازیم ایدم حالیمی اظهار
یارالی ایاقیمدان نه زنجیری آچان وار
بو زنجیره مگر من سزاوارم الهی
.
.
بو هارونه دین یوخ که ای شوم و جفاکار
سنه نیلیوب آخر بو محبسده کی بیمار
گه ایلوله اذیّت دوگور گه اونی اشرار
بو جبره دوزرم من که ناچارم الهی
.
.
یازوب لوح قضاده یقین خامۀ تقدیر
گونوز غم منه همدم گیجه نالۀ شبگیر
اودور گوگلومی هر دم آلار حلقۀ زنجیر
اؤزوم جمله بلایه خریدارم الهی
.
.
نه اوغلوم گلور الله بو احوالیمی بولسون
سنق گوگلمی آلسون یوزوم گل کیمی گولسون
نه معصومه یانیمدا گوزوم یاشینی سیلسون
گلوب کاش گوریدی نجه زارم الهی
.
.
سوزوم یوخدی انیسم بو تاریک مکانه
دوزردیم گینه جبرا غم و رنج زمانه
امان سندین الیندن گتوردی منی جانه
بونون فکرینه گویا گنهکارم الهی
.
.
بو ظالمده خدا وار نه اندازه شقاوت
مریضم منی هر گون ایدن وقته عیادت
گلر قمچی الینده آچار دست جسارت
بو بی عاطفه گورمور که بیمارم الهی
.
.
دین یوخ بونا ظالم مسلماندی بو ناخوش
سنه ملک بقادن گلور گرچه فنا خوش
ولی عبده اذیت اولار خالقه ناخوش
دیمور من سنه عبد وفادارم الهی
.
.
بو بی رحمین الیندن پریشانم اوزومده
ایشیق گون شب تاره اودور دوندی گوزومده
هله نقشۀ سیلی منیم واردی یوزومده
بو بی شرمین الیندن ندور چارم الهی
.
.
#کاظمیه #خوندل_تبریزی #کاظمیه_شهادت #ترکی #زبدةالاشعار

متن پیشنهادی:  تسلیت ای شیعه لر موسم عزا گلوب #صادقیه_رمضانی_خاکی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی