کوچ از شام
زبانحال حضرت زینب (س) در سر مزار حضرت رقیّه (س)
.
✍️ #زبدةالاشعار ✍️
.
🆔: @nohe_torki
.
مرحوم نجمی تبریزی
.
بوشلا رقیّه قبرینی فاطمه گئتدی کاروان
زینبون آلما صبرینی ایلمه بیر بیله فغان
.
.
یولّانوری قطاریمیز حسرتیله مدینیه
دور گیداق اول کجاوه ده مونس دل سکینیه
باش داشینی رقیّه نین باسما بو قدری سینیه
آز باجی باجی دئ قیزیم عمّه وی ایتمه باغری قان
.
.
منده بو وضع حالتون قویمادی طاقت آغلاما
گوز یاشوی بو نوعیله گوزدن عذاره باغلاما
قلبیمی داغلیوب فلک سنده دوباره داغلاما
توپراقا قویما صورتون گوز یاشون ایلمه روان
.
.
آغلاما وقتی وار گلوب ناله و داده آغلاروخ
جمله سالوب رقیّه نون حالینی یاده آغلاروخ
سس چکروخ میدنه ده بزم عزاده آغلاروخ
اوندا که فرصت ایلدوخ منزله یتدی کاروان
.
.
یثربه یتدوخ اوندا که بزم عزا گرک قوراخ
کاسۀ چشمی دمبدم اشکیله جمله دولدوراخ
آهیله عرش بامینه بیرق درد و غم ووراخ
شورش حشر اعظمی دهرده ایلیاخ عیان
.
.
سالّام او بزم غمده من یاده سوسوز حسینیمی
قاننه ظلمیله باتان گول کیمی نور عینیمی
قوزارام عرشه فرشدن ناله و شور و شینیمی
عرشده سس چکوب ایده حالیمه ناله قدسیان
.
.
هر کس او بزمده سالار یادینه اوز عزیزینی
چشم خیالده گورر پیکر ریز ریزینی
دمبدم اشگه دولدورار دیدۀ اشکریزینی
بیر بیره آل مصطفا درد دلین ایدر بیان
.
.
لیلی سالاندا یادینه شوریله اوغلی اکبری
بختی قرا رباب ایدن وقتده علی اصغری
سنده او بزم غمده سال یاده بو زار و مضطری
اشکوی توک عذاره دئ شوریله باجی باجی یان
.
.
بیرده اگر گذاریمیز دوشسه بلا دیارینه
اهل محبتین اولان طرفه او لاله زارینه
گول کیمی تشنه دوغرانان قارداشمون مزاریه
شرح ایلمه رقیّه نون حالینی دلده قیل نهان
.
.
ساخلا بو اشک حسرتی قبر علی اکبره
ایله نوا او دشتیده شبه رخ پیمبره
سنگ مزار اکبری ایله گوزونده منظره
گوزدن عذاره خون دل شوریله باغلا آغلا قان
.
.
نجمی بو غمده وار یری آغلاسا حشره دین گوزون
شامه دونوبدی محنت شامده گر چه گوندوزون
بسدی بو یرده ساخلا ال یازما که طول اولار سوزون
چیخما کناره رشته دن قوی قلمی یره دایان
.
.
.
.
.
#کوچ_شام #نجمی_تبریزی
#بوشلا_رقیه_قبرینی_فاطمه_گئتدی_کاروان
#ترکی
.
✍️ #زبدةالاشعار ✍️
.
🆔: @nohe_torki
نظر دهید