میلادیه حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_با_تو_بودن_و_نبودن
#سبک_سیاه_و_سپید
.
.
رمضانی (خاکی)
.
گلدی ای اهل ولا چارم شعبان
قمر هاشمیان اولدی نمایان
گورسه گر چهره ی زیباسینی حتی
قالار حیرتده اوزی یوسف کنعان
گون تک ایلیوبدی یکسر
شهر یثربی منور
آچدی گوز جهانه عباس
دلده شادلیق اولدی احساس
جانم جانم ای اباالفضل (2)
.
.
.
بو آقا بیر آقادی یوخ تایی والله
دلده معجز لرینون یوخ سایی والله
سهلیدی یوسف کنعان هله خاکی
یوزی حیرتده قویوبدی آیی والله
زیبا لیقی بی مثلدی
بسکه چهره سی گوزلدی
آچدی گوز جهانه عباس
دلده شادلیق اولدی احساس
جانم جانم ای اباالفضل (2)
.
.
.
بونا عالمده گورون کیمدی برابر
ادب آئینه سیدی غیرته مظهر
بیر مقامه یتشوب قرب خدا ده
آدینا فخر ائلییر آل پیمبر
فخر کل ماسوا دی
عبد صالح خدادی
آچدی گوز جهانه عباس
دلده شادلیق اولدی احساس
جانم جانم ای اباالفضل (2)
.
.
.
سکه عشقی اولوب گور نجه رایج
منیم عهدمنن اونون مدحتی خارج
درد مندان قاپیسیندان هارا گتسین
تاننوبدی چون آقا باب الحوائج
گلدی حلال مشاکل
گل اول درگهینده سائل
آچدی گوز جهانه عباس
دلده شادلیق اولدی احساس (2)
.
.
.
بیر آقادی کی بو دنیاده نمونه
رتبه و شهرتی عقباده نمونه
هم عبادتده اونون یوخدی مثالی
همده کی عرصه دعواده نمونه
شمشیر تا اله آلار دی
لرزه دللره سالاردی
آچدی گوز جهانه عباس
دلده شادلیق اولدی احساس
جانم جانم ای اباالفضل (2)
.
.
#عباسیه_رمضانی_خاکی
#عباسیه_میلادیه
#گلدی_ای_اهل_ولا_چارم_شعبان
#ترکی
.
✍️ #زبدةالاشعار ✍️
.
🆔: @nohe_torki
نظر دهید