میلاد حضرت علی (ع)
.
✍️ #زبدةالاشعار ✍️
.
🆔: @nohe_torki
.
حاج اصغر فرشچی ( عدلی تبریزی)
.
.
گللنوب باغ رسالت
گوز آچوب شاه ولایت
شیعیانه ویر بشارت
اوچ گجه بیتیده اولدی مهمان
حق ایده رتبه سین خلقه اعلان
نوری نور حق لم یزلدی
فاطمه اوغلودی چوخ گوزلدی
.
.
ایلدی خالق عنایت
اولدی ظاهررازخلقت
برقرار اولدی امامت
گلدی دنیایه شاه ولایت
کامل اولسون ولایه نبوت
نوری نور حق لم یزلدی
فاطمه اوغلودی چوخ گوزلدی
.
.
گلدی دنیایه بو امجد
یار قرآن یار احمد
آل هاشم اولدی اسعد
کیمدی کعبه اولا زادگاهی
حق ویروبدی بونا عزّوجاهی
نوری نور حق لم یزلدی
فاطمه اوغلودی چوخ گوزلدی
.
.
نور رَبّ العالمیندی
هم امیرالمؤمنیندی
بو امام العارفیندی
نفس احمدی هم روح طاعت
هم امامتده اتمام نعمت
نوری نور حق لم یزلدی
فاطمه اوغلودی چوخ گوزلدی
.
.
یاوردین پیمبر
دختر طاهایه همسر
شهسواربدر و خیبر
اولدوررعبد ود دیومستی
هرعملدن گوزل ضرب شستی
نوری نور حق لم یزلدی
فاطمه اوغلودی چوخ گوزلدی
.
.
هستی خلقتده محور
کان جود وعدل گستر
ساقی و سالارکوثر
گلدی داماد و یار محمد
تا قیامت قالا دین احمد
نوری نور حق لم یزلدی
فاطمه اوغلودی چوخ گوزلدی
.
.
روح قرآن قطب ایمان
جلوۀ انوار یزدان
شیرحق هم شاه مردان
طاعتی فرض دورانس وجنّه
بـو چـکرشیعه سین راه امنه
نـوری نـور حق لـم یزلدی
فاطمه اوغلودی چوخ گوزلدی
.
.
ای سپهرین مهرو ماهی
عالمین پشت وپناهی
«عدلنون» وارچوخ گناهی
لیک وار منده روح تولا
وارشفاعتده چشم تـمنا
نوری نور حق لم یزلدی
فاطمه اوغلودی چوخ گوزلدی
.
.
#حیدریه_عدلی_تبریزی
#حیدریه_میلادیه
#گللنوب_باغ_رسالت
#ترکی
.
✍️ #زبدةالاشعار ✍️
.
🆔: @nohe_torki
نظر دهید