گلمه دی کار زاردن باب کباریم عمه جان #حسینیه_دلریش

زبان حال دختر امام حسین (ع )
در انتظار پدر
..
..
مرحوم دلریش
..
..
گلمه دی کارزاردن باب کباریم عمّه جان
قالمادی دلده طاقت و صبر و قراریم عمّه جان
عمّه باخ آه و زاریمه
دیدۀ اشکباریمه
چاره قیل انتظاریمه
..
..
دمبدم آرتوری دل زارده داد و شیونیم
سویله صریحینی گوروم هاردا قالوب بابام منیم
یوخسا جفای خاردن سولدی بو چولده گلشنیم
صرصر ظلمیله خزان اولدی بهاریم عمّه جان
..
..
درد و غم فراقدن بیکس و زار خسته من
اولموشام عندلیب تک گور نجه دلشکسته من
کنج قفسده قالموشام ظلمیله بال بسته من
باغریما قان دولوب اولوب ناله شعاریم عمّه جان
..
..
عمّه بو گیر و داردَه بسکه گلور هرای هی
رعشه سالوبدی جانیمه بانگ دهل نوای نی
یوخسا بابام شهید اولوب چاره قیل عمریم اولدی طی
دوشموری اضطرابدن بو دل زاریم عمّه جان
..
..
خالی گوروم او سرورین من نجه بزم رازینی
وقتیدی فرش ایتموشم خیمه ده جانمازینی
گلمه دی ایله سون ادا عمّه بابام نمازینی
گلمه سه لیل داج اولار نصف نهاریم عمّه جان
..
..
من کیمی کیم بو سنّ ده اولدی بو نوع تلخکام
کیمدی او رزمگاه ده آلموش آرایه اهل شام
یوخسا خدا نکرده بو بیکس اولا منیم بابام
اولسا منیم بابام گیدر شامه قطاریم عمّه جان
..
..
بوندان علاوه یوخ منیم محنت و درده طاقتیم
قورخورام ایلسون منی اهل جفا بوگون یتیم
اولمادی اکبرین غمی عمّه مگر کفایتیم
قانه بلشدی ظلمیله اول گلعذاریم عمّه جان
..
..
ئولسه بابام گلن دگول ظلم عدو شماریه
شامه چکلَّه بیزلری خلق چخار نظاریه
شامده من نجه دوزوم بانگ دف و نقاریه
نصف نهار اولوب منه چون شب تاریم عمّه جان
..
..
..
..
#حسینیه #دلریش #حسینیه_شهادت #ترکی #غارت_خیام_زبدةالاشعار