خطاب به حضرت زهرا(س)
#عاشورا_گونی
..
..
مرحوم معزی اردبیلی
..
..
گل کرب و معلایه یا فاطمة الزّهرا
باخ دوغرانان اعضایه یا فاطمة الزّهرا
..
..
آتدان یخلوب عطشان میدانه حسین اوغلون
آماجدور هر لحظه پیکانه حسین اوغلون
باشدان ایاقا باتمیش آلقانه حسین اوغلون
فرصت دوشوب اعدایه یا فاطمة الزّهرا
..
..
صورتدن اولور هر آن انوار خدا ساطع
فخریله نظر ایلور اوز صنعتینه صانع
اظهاره گلور یارب فرمانووه من تابع
امرین قویور اجرایه یا فاطمة الزّهرا
..
..
اطرافیده ناظر دور اوز جدی رسول الله
ایستور الینی ئوپسون منتله خلیل الله
تعظیم ادب ایلور ثاراللهه روح الله
فرمان گلوب عیسایه یا فاطمة الزّهرا
..
..
فتوانی ویروب مفتی شمر الده دوتوب خنجر
زینبده انور تلّی باشینده قرا معجر
آز قالدی یره ورسون عمّامه نی پیغمبر
چخ سنده تماشایه یا فاطمة الزّهرا
..
..
حمله ایلیور اعدا سلطان حجاز اوسته
اوخ دگسون اونا قویمور اصحابی نمازاوسته
احبابینی یاد ایلور هر راز و نیاز اوسته
لطف ایتدی احبایه یا فاطمة الزّهرا
..
..
لاله کیمی گل جسمی قرمز گورونوب یرده
قلبندن آخوب قانی قانه بورونوب یرده
ایستی قومون اوستونده تله سورونوب برده
یوخ طاقتی گرمایه یا فاطمة الزهرا
..
..
جان اوسته حسین داده دلبرلرینی سسلور
گه جعفرینی سسلور گه اکبرینی سسلور
چکسون اوخی قلبندن سرلشگرینی سسلور
تئز گل دیدی سقایه یا فاطمة الزّهرا
..
..
زینبدی هامی شخص وارستیه سرزمره
دوتسون قلجین شمرون حمله ایلدی شمره
بارماقلاری دوغراندی قارداشدان آلوب نمره
اسلامه ویروب پایه یا فاطمة الزّهرا
..
..
عصرون چاقی طاهانون قاتل اورگین سیخدی
بیر الده یالین خنجر شه سینه سینه چخدی
دوندردی یوزی اوسته اسلامین ایوین یخدی
قان دولدی مطلّایه یا فاطمة الزّهرا
..
..
قاره یل اسوب بیردن میداندا قوپوب طوفان
لب تشنه حسین ئولدی گوگلرده اولوب اعلان
یر گوی ایلدی لرزه باشسیز یخلوب سلطان
قان یازدی یره آیه یا فاطمة الزّهرا
….
..
..
#عاشورا #معزی_اردبیلی #ترکی #زبدةالاشعار
نظر دهید