گلمه گلمه دایان باغریمی ائتمه قان #غارت_خیام_یحیوی_اردبیلی

زبانحال حضرت زینب خطاب به امام حسین در قتلگاه و غارت خیام
.
.
#سبک_خیمه_نی_سیلمیشم
مشابه
پخش‌کننده صوت

.
.
مرحوم یحیوی اردبیلی
.
.
گلمه گلمه دایان
باغریمی ائتمه قان
ای دل افکار حسینجان
چوخ یارون وار حسینجان
.
سانجیلوب یان یانا
پیکرونده سانا
گلمز اوخلار حسینجان
چوخ یارون وار حسینجان
.
سینوون یاره سینه
زینبون جانی قربان
اولمیان چاره سینه
آغلارام قان حسین جان
.
.
.
.
کعبه ی عشقدور
بو مکان یاحسین
سن رئیس مناسن
کربلا فدیه گاهون
.
قرمزی پیرهن
گئیموسن اگنیوه
شاه گلگون قباسن
قتلگه بارگاهون
.
بس وزیرون هانی
بس دبیرون هانی
بس عملدارون هاردا
بس نه اولموش سپاهون
.
شاهون اولماز مگر
خیمه خرگاهینه
بیر نگهدار حسینجان
چوخ یارون وار حسینجان
.
.
.
.
ناتوان زینبون
قان اولان قلبی تک
پیکرون پارچا پارچا
لخته قاندور سراسر
.
حالووی من بئله
بیلمدیم سسلدیم
تلّه گلمیدیم ایکاش
سسلمیدیم مکرّر
.
گلمگوندن ثمر
یوخدو بوحالیلن
سینون اوسته سورونمه
گلمه گلمه برادر
.
قویما افشان اولا
گول کیمی یاره لر
گلمه زنهار حسینجان
چوخ یارون وار حسینجان
.
.
.
.
گاهی نیم خیز اولوب
گه دوشور سن یئره
چوخ گئدور قان یاروندان
یوخ وجودونده طاقت
.
آند وئررم آنام
فاطمه حقینه
زینبه بوندان آرتوق
وئرمه قارداش خجالت
.
دگلم راضی بو
زحمته راحت اول
ایلسون قوی عربلر
خیمه گاهیمی غارت
.
راضیم غارته
دوشمه سن زحمته
چوخ یارون وار حسینجان
چوخ یارون وار حسینجان
.
.
.
.
یاره لر زحمتین
ایلیور سن قبول
خیمیه واردو قصدون
گلمگه غیرتوندن
.
واردی قارداش سنون
انتظارون یقین
بیر بولوک قاره معجر
آل باعصمتوندن
.
اولما هئچ نگران
من متوجّهم
خورداجا قیزلاروندان
بی پناه عترتوندن
.
اوللام هر وقتده
اونلارا پاسبان
هم پرستار حسینجان
چوخ یارون وار حسینجان
.
.
.
.
یابن امی دایان
صبر ائله صبر ائله
دادیمه سؤیله گلسون
فضل و عونیله جعفر
.
نور عین حسن
قاسم نوجوان
شیر غران اباالفضل
یا که شهزاده اکبر
.
هاردا خاموش اولوب
گلمیور سسلری
بیر صدا یوخ ندا یوخ
ساکت اولمیشلا یکسر
.
آل هاشم نولوب هاردا قالمیش مگر
یار و انصار حسینجان
چوخ یارون وار حسینجان
.
.
.
#غارت_خیام_یحیوی_اردبیلی #قتلگاه_یحیوی_اردبیلی #قتلگاه #ترکی #زبدةالاشعار #حسینیه #حسینیه_شهادت #حسینیه_یحیوی_اردبیلی