گلوب تموجه دریای فیض رحمانی #غدیریه_شهاب_تبریزی

غدیریه
.
.
.
.
.
مرحوم شهاب تبریزی
.
گلوب تموّجه دریای فیض رحمانی
آچوب خدای جهان باب جود و رحمانی
.
تمام خلقه تانونماقلیقا خدا قاپوسین
معیّن ایتدی اؤزی بیر صریح عنوانی
.
گلن یولی تانیسون باب رحمتی تانیسون
قالوب طریق جهالتده اولماسون فانی
.
ایدوبدی بیر بشر ایجاد علی قویوب آدینی
او نوریلن ایلدی حق یولونی نورانی
.
اونون اطاعتینی خلقه ایلدی واجب
ایدوب محبّتینی کفر و نور میزانی
.
علی سووَن ابدی بیر سعادته یتدی
اونا عناد ایلین زایل ایتدی ایمانی
.
علی مجسّمۀ دین و حجّت بر حق
علیدی هیکل توحید حیّ سبحانی
.
علی وصیّ بلافصل سیّد مرسل
علیدی نشر ایدن عالمده شرح طاهانی
.
علینی خلقه ولی واجب الوجود ایلیوب
اوزی بو منصبه لایق بولوب او مولانی
.
امامی حضرت باری گرک ایده تعیین
محوّل هر کسه اولماز امور ربّانی
.
منادی آیه قرآنیدور علیدی ولی
علینی رَدّ ایلین رَدّ ایدوبدی قرآنی
.
غدیر خُمّده نازلدی آیۀ بلّغ
رسول اکرمه خلّاق ایدوب بو اعلانی
.
که ای حبیب دگلسن بو باره ده مأذون
اورکده ساخلیاسان امر حقّی پنهانی
.
حبیبی ایلمه هیچ واهمه خلایقدن
که ایلروخ اوزوموز دفع شرّ اعدانی
.
یتور عم اوغلون علینون ولایتین خلقه
تاپا مواخذ اولانلار بو فیض عظمانی
.
اگر یتیرمیه سن مرتضی ولایتنی
رسالتون قالی ناقص که واردی نقصانی
.
پیمبرین او سفر حجّة الوداعیدی
مراجعت ایلمیشدی یانینجا اعوانی
.
باشندا جمعیدی هشتادمین قبایلدن
تمام دوتموشیدی عرض طول صحرانی
.
به امر سیّد لولاک ایدوب منادی ندا
ایا گروه عرب وار بیر امر یزدانی
.
گئدن دایاندی گلن گلدی تا نزول ایتدی
او کثرت ایلدی تنگ اول وسیع بیابانی
.
دَوه جهازلریندن قوروبلا بیر منبر
که رشک ایدوب اونا معناده عرش ایوانی
.
او منبره آپاروب ختم الانبیا تشریف
فراز چرخیده گورموشدی شمس نورانی
.
ازلده ایلدی بیر خطبۀ بلیغ ادا
قویوب فصاحتی حیرتده روح عیسانی
.
دوتوب علی کمریندن او قدر ایتدی بلند
تمام گوردی جماعت او شاه مردانی
.
بیوردی هر کسه من پیشوا و مولایم
اونا امیر ایدیرم بو علیّ اعلانی
.
منه وصی سیزه اولا بِنَفسدور بو علی
مباد ایلیه سوز ترک بو وصایانی
.
بو امر امر الهیدی نه منیم رأییم
امین وحییدی نازل ایدن بو فرمانی
.
دوتوب یوزون گویه عرض ایتدی اول حبیب خدا
که ای خدای روف و رحیم و رحمانی
.
عم اوغلومی دوتا دشمن او کسکه دشمن دوت
محبّ ناصرینه نصرت ایله هر آنی
.
بو ماجرانی گورنده تمام دشمن و دوست
غریو غلغله دن دولدی چرخ دامانی
.
او که محبّدی مسرور اولوب عدو غمگین
نه اولدی حد سرور و نه غصه پایانی
.
گلوب ایدردیله بیعت ولیّ لن یزله
تمام مرد و زن و هم جوان و پیرانی
.
دوروب ایاقه یریندن تمام سرعتلن
گلوب ازلده اولوب بیعت ایلین ثانی
.
ازلده کی نجه گلمشوی بیعت ائتمیشدی
اولده ده ایله سیندیردی اوُل جفا کانی
.
#گریز #هجوم_به_خانه_وحی
.
پیمبرین هله دفن ایتمه مش جنازه سنی
یغوب سفینه بیر نچه عون شیطانی
.
ایگرمی دوت ایل ایدوب مرتضانی خانه نشین
گورون او کافر بیدین و خانه ویرانی
.
قولونی باغلادیلا بوینونا طناب سالوب
چکوبله بیعته جبراً او شیر هیجانی
.
بو ظلملردن علی اولمیوبدی هیچ دلتنگ
نه نوعیلن گتورور موجه قطره دریانی
.
نقدر شخصنه ظلم اولدی صبر و تاب ایلدی
ثبات و صبریله قورتاردی عمر دنیانی
.
ولیک فاطمه نون حالی حالنی پوزدی
او دم که صحن سراده اوجالدی افغانی
.
بیوردی فضه دایانما بالام شهید اولدی
عم اوغلوما خبر ایت درک ایده بو نالانی
.
.
#حیدریه_مدح #غدیریه #حیدریه
#گلوب_تموجه_دریای_فیض_رحمانی
#ترکی
#زبدةالاشعار