گلوب جوشه گنه قانلار بو آیدا #ورود_محرم_رضوی_زنجانی

ماه محرم و اعلان عزای امام حسین (ع)
..
..
..
.
ـــــــــــــــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر …
#سبک_بیا_یابن_الحسن_آرام_جانم
واگیر برای این سبک:
حسینه عالم آغلار
رسول خاتم آغلار
نوا باشلار ملک لر
سزیلدار آدم آغلار
حسینون یوم عاشوراسی گلدی
..
مشابه
..
..
..
..
رضوی زنجانی
..
..
..
گلوب جوشه گنه قانلار بو آیدا
شهید کربلانون یاسی گلدی
آسیلدی عرشیدن اول قانلی کوینک
حسینون یوم عاشوراسی گلدی
..
..
..
او سلطانون عزاسی اولدی اعلان
ویریلدی مسجد و بازاره پرچم
نوایه گلدی چون جن ملائک
قورولدی تکیه و ایولرده ماتم
حسینه آغلیار ارض و سماوات
غم اوستن شیعه باشینه یاغار غم
که عاشوراسی بیر طوفان عبرت
بو آیدا غملرین اساسی گلدی
..
..
..
بو آیدا زینب مظلومه اولموش
هزاران درد یا محنتله یولداش
ابوالفضل و حسین اکبر ئولنده
آلار زلفین اله غمدن آچار باش
یخاندا تپراقا اعدا حسینی
دیر ایوای یارالی تشنه قارداش
گوزوندن اشگ اولار جاری عذاره
خروشانه که غم دریاسی گلدی
..
..
..
بو آیدا وای بالام سسلر پیمبر
حسینیم وای دیر زهرای اطهر
بو آیدا قانینه غلطان دی اکبر
بو آیدا تیریله اوخلاندی اصغر
بو آیدا گلشن زهرادی پرپر
بو آیدا عترتی نالاندی یکسر
بو آیدا سو بهاسی قاندی یاران
نوایه کربلا صحراسی گلدی
..
..
..
بو آیدا زهرلی تیریله خنجر
ایدر آماج ئوزوینه تشنه حنجر
آخار بو آیدا بیر نورانی اختر
بو آی عطشان ئولر دنیایه مهتر
بو آیدا زینبین حالی مکدّر
هرایه حضرت زهرانی سسلر
بو آیدا خیمه لرده دیده گریان
فغانه کربلا زهراسی گلدی
..
..
..
حسین درد و بلانون سوز و سازی
حسین قانیله آلدی دستمازی
یارالی حالیله قیلدی نمازی
قان ایچره باشلیوب راز و نیازی
حسیندور امتحانون سرفرازی
یورانمازدی بلا اول عشقبازی
تجلایه چیخار شأن و مقامی
که روز حشر یا فرداسی گلدی
..
..
..
حسیندور پارۀ قلب پیمبر
حسیندور کائناته میر و سرور
حسیندور بذل و یا بخششده محور
حسین برج وفاده مهر و اختر
حسیندور کنز حقّه درّ گوهر
حسیندور آیت خلّاق داور
حسینه آغلیانلار روز محشر
آلار اطرافینی مولاسی گلدی
..
..
..
حسین ملک جهانون شهریاری
ملائکدور حسینون ریزه خواری
حسین دین خدانون پاسداری
حسین میدان عشقون جان نثاری
حسینون لطفنون یوخدی شماری
حسینون مجلسی رحمت بهاری
حسینون قتلینه فتوا ویریلدی
شریحون خطیله امضاسی گلدی
..
..
..
حسینه تنگ ایدوب اعدا جهانی
اورکده قالمادی تاب و توانی
ئولنده اکبر زیبا جوانی
اوجالدی عرشه آهیله فغانی
آخوبدی اکبرین تپراقه قانی
چیخا که آز قالوب قوم اوسته جانی
نلر اولدی او سطانه که بیلمم
هرایه زینب کبراسی گلدی
..
..
..
گوروبدی عمه سی اکبر یارالی
باتوب ئوز قانینه گل تک جمالی
صولوب پرپر اولوبدی گل مثالی
چوخالدی قلبیده درد و ملالی
دئدی عمه ن قالور باشی قرالی
آنان لیلا نِدَر بیلسه بو حالی
عبا ایچره گوره اکبر جوانی
که دوغرانمش قد رعناسی گلدی
..
..
..

#ورود_محرم #رضوی_زنجانی #ترکی #زبدةالاشعار