شهادت حضرت زهرا (س)
..
..
..
#سبک_بالام_آغلاما_گلوم_آغلاما ( 7 سبک برای سینه زنی و زنجیر ) … دولانور علی قیزی مقتلی و … بالام آغلاما … باجی دور گئداخ …
..
..
..
حاج غلامرضا عینی فرد زنجانی
..
..
..
..
گلوری بقیعه یواش یواش
شه لافتی گجه یاریسی
الینی قویوب بلینه گلور
ائدوری نوا گجه یاریسی
..
..
..
..
باتوری گون ایلوری یثربون
او وفاسیز اهلی ائوینده خواب
گجه یاریدن گچوری علی
ئورگین دوتور غم و اضطراب
باخوری آناسیز اوشاقلارا
توکوری سرشگین اولور کباب
ئوزی لایلای دیوری علی
بالالار یاتا گجه یاریسی
..
..
..
..
باخوری او غصّه لی منزله
دوتوری علی ئورگین اَلَم
هره بیر طرفده عزا دوتوب
ائوه حکمراندی ملال و غم
بالالار بیری بیرینه دیور
هانی کوچه ده یخلان ننم
ائشیدور بو سوزلری اود دوتور
دل مرتضی گجه یاریسی
..
..
..
..
آنا وای دیینده حسین ائدور
هیجان سماده ستاره لر
توکوری عذاره سرشگینی
یارالی ئورکلری یاره لر
دیوری بابا آنامیز هانی
سالوری جهانه شراره لر
تاپا بیلموری اونا سوز دیسون
شه اولیا گجه یاریسی
..
..
..
..
باسوری بالالاری باغرینا
اؤپوری اولارون یوزون گوزون
بویورور هله آتاز ئولمیوب
آناسیزلیقا بالالار دوزون
گوروری ائوین آناسی بیوک
قزی زینب ئولدوروری ئوزون
بویورور قزیم بئله آغلاما
آناسیز بالا گجه یاریسی
..
..
..
..
گجه یاریدن گئچوری قزیم
یوزه گوزیاشین بئله باغلاما
آناوون گورن ایشی گورگیلن
دور حسینیمه سو گتور بالا
گوره باشی اوسته سو کاسه سین
بئله آغلاماز شه کربلا
دور ایاقه ایندی آنالیق ائت
آناسیزلارا گجه یاریسی
..
..
..
..
یادینا دوشوردی او حادثه
که علی قدین ائلیوب کمان
قاپی اود دوتوب یخلوب خانم
یره محسن اوردا وئروبدی جان
یارالاندی سینه سی ظلمیلن
خانمون دؤشوندن آخوبدی قان
یارالار سیزیلتسی آغلادوب
دئمیوب اونا گجه یاریسی
..
..
..
..
گوروری همان قاپودور عدو
ووروب اوردا عصمت هماسینی
گهی فضه نی چاغیروب خانم
گهی داده مظلوم آناسینی
گه علینی دادینه سسلنوب
یتیروبدی عرشه نواسینی
قمر عقربه یتیشوب اولوب
گوزونه ضیا گجه یاریسی
..
..
..
..
گئچورم خلاصه چخوب علی
ائشیگه او غصّه لی بیتدن
نه حالا قالوب بو سوزی بیلر
خانمی جهاندا جوان ئولن
نفسی دوشوبدی تلاطمه
ئولوم ایستور حیّ ودودیدن
یول ائدوب بقیعی علی گلور
بیر آز آغلیا گجه یاریسی
..
..
..
..
دل شب بقیعه نگارینی
ئوز الیله دفن ائلین گلور
دوتولوبدی آی کیمی غصّه دن
گوزی غرق اشگ مُحن گلور
نه ابوذر و نه بلال و نه
بالاسی حسین و حسن گلور
ئوزی تک گلوردی تک آغلاسون
او غریب آقا گجه یاریسی
..
..
..
..
او علی که خیبر و بدریده
یره باش توکردی خزان کیمی
داغداردی صفلری نعره سی
اوجالاندا شیر ژیان کیمی
بو همان علیدی بقیعده
دوتولوبدی داغدا دومان کیمی
کسیلوبدی چاره سی دردینه
داخی یوخ دوا گجه یاریسی
..
..
..
..
ائویمین طراوتی فاطمه
دلیمون ملاحتی فاطمه
چوخ اولان جلالتی فاطمه
غمیمون شراکتی فاطمه
دئ گوروم ساقالدی بو قبریده
سینوین جراحتی فاطمه
سنی ووردولار ال آچانمادیم
ائدورم نوا گجه یاریسی
..
..
..
..
اَتری وَقَفت ُ عَلَی القُبُور
گوزومون یاشین توکورم یوزه
یازور «عینی فرد» مصائبون
واریدی علاقه سی دوز سوزه
نه بیریله واردی رقابتی
نه ده واردی تکیه سی گوز گوزه
یازوب اصطلاح وطندی بو
گجه یاری، یا گجه یاریسی
..
..
..
#فاطمیه #عینی_فرد #فاطمیه_شهادت #ترکی #زبدةالاشعار
02 فاطمیهترکیحسن رسالورراقم اردبیلیشاکر اردبیلیشعاعی اردبیلیضیائی اردبیلیعندلیب اردبیلیعینی فرد زنجانیقدسی قفقازیمبکی اردبیلیمحمد سیمزاری
نظر دهید