منی دچار ایدیسن ایندی که فراقه بابا #حسینیه_ذوقی_تبریزی

زبانحال دختر امام در وداع
.
✍️ زبدة الاشعار ✍️
.
🆔: @nohe_torki
.
.
حاج محمد ابراهیم ذوقی تبریزی
.
.
منی دچار ایدیسن ایندی که فراقه بابا
پیاده اول منی لطفیله آل قوجاقه بابا
.
دویونجا عطرون آلوم آیرلیق زمانینده
ذخیره بلکه اولا موسم فراقه بابا
.
شرار هجره من بینوانی یاندوروسان
نجه دوام ائلیوم من بو احتراقه بابا
.
فراق اودیله ائله قلبیم اودلانور یری وار
چخا شرارۀ آهیم بو نُه رواقه بابا
.
اوزولسه دامن وصلوندن ال ، یانار بلورم
بیر عمر دل شرر نار اشتیاقه بابا
.
بویور گوروم گیدیسن گوگلوم ایستینده سنی
نه سمته یوز چووروم من گلیم سراقه بابا
.
اورک دولی ، دیمه لی چوخ ، ولیک فرصت یوخ
گرک سالام سوز یمی ئوزگه بیر سیاقه بابا
.
منیمده باشیمه چک بیر، الون یتیم اولورام
او ال نوازش ایدوب چوخ یتیم اوشاقه بابا
.
قوناق چاقوردی بو صحرایه اهل کوفه بیزی
غریبه حرمت ایدور ، کوفیان قوناقه بابا
.
بیزی مدینیه کیم بیرده قیترر سن سیز ؟
حجازدن سنیله گلمیشوق عراقه بابا
.
ایشقلی گون بیزه بو چولده شام تار اولدی
سالاندا ماه بنی هاشمی محاقه بابا
.
تفاقمیز پوزولار – سن شهادته یتسن
اولار اسیر ، حرم ، لشگر نفاقه بابا ؟
.
سبب ندور ، بیزی گوزدن بیله سالوب گیدوسن؟
سکینه دن نیه قطع ایلوسن علاقه بابا
.
هارا پناه آپارار ، پرشکسته بیر بلیل
گل اولماسا سیخیالار هانسی بری بوداقه بابا
.
یتنده فصل خزان گلشنین گیدر (ذوقی)
گلیندن آیریلی بلبل ، دوشر اوزافه بابا
.
#حسینیه_وداع #وداع
#منی_دچار_ایدیسن_ایندی_که_فراقه_بابا
#ترکی
.
✍️ #زبدةالاشعار ✍️
.
🆔: @nohe_torki