گلون شیعه هامی آه و فغانه #حیدریه_صافی_تبریزی

در شهادت مولای متقیان امیرالمؤمنین علی بن ابیطالب(ع)
#گریز به شهدای کربلا
..
..
..
ـــــــ
#سبک_کجایید_ای_شهیدان … #سبک_جوشی_زنجیر … #سبک_بو_کیمدور_یوسف_کنعانه_بنذر …
#سبک_بیا_یابن_الحسن_آرام_جانم
واگیر برای این سبک:
بو غمده عالم آغلار
رسول خاتم آغلار
نوا باشلار ملک لر
سزیلدار آدم آغلار
هامی ماتم دوتوب شاه جهانه
ـــــــ
..
..
..
مرحوم صافی تبریزی
..
..
..
..
..
گلون شیعه هامی آه و فغانه
دوتاق ماتم امیر مؤمنانه
..
..
..
..
..
حسینیله حسن هم آچدیلار باش
دیردیلر ئولیدوخ بیز بابا کاش
گلون بیزده توکاخ گوزدن یوزه یاش
ویراق باش ساقلقى صاحب زمانه
..
..
..
..
..
چکلدى منبر و محرابه قاره
یاناردی هر کیم ایلردی نظاره
هامی اوخشاردیلار ابر بهاره
ویروب یوز بیله بیر غم شیعیانه
..
..
..
..
..
ئولنده ایلمیشدی چون او حضرت
گجیله دفن اولونماقین وصیت
حسینیله حسن قیلدی اطاعت
قویوبلار قبره گزلین یانه یانه
..
..
..
..
..
گوتور موش گوردیلر جبریل تابوت
قالوب قدّوسیان حیران و مبهوت
باتوب یکسر عزایه اهل لاهوت
باخون بیرجه ئولنده عز و شانه
..
..
..
..
..
تماماً انبیا گلدی نمازه
ملائک قیلدی تشییع جنازه
چخوب ارواح یکسر پیشوازه
مبارک روحی نقل اولدی جنانه
..
..
..
..
..
گنه گوگلوم گلوب فریاد و داده
حسین اوغلی بو شاهون دوشدی یاده
سالوب بیر آتش سوزان نهاده
آلشدی جسم و جان چکدی زبانه
..
..
..
..
..
او دم کیم دشت پرشور محبت
حسینه اولدی بیر طور محبت
وجودین دولدوروب نور محبت
خیالین آلدی محبوب یگانه
..
..
..
..
..
گوروب یر گر چه صحرای بلادور
دگل کرب و بلا کوی وفادور
قلج أوخ وار گلستان صفادور
قدم قویدی مقام امتحانه
..
..
..
..
..
بو اولدی عشقون آثاری باشندا
ویروب بیر فدیه اون سگز یاشندا
گورنده لخته لخته قان قاشندا
دیردی مرحبا سن تک جوانه
..
..
..
..
..
نجه قربان آدی اکبر نه اکبر
بعینه خَلقاً و خُلقاً پیمبر
قلجلاندی باشی مانند حیدر
باتوب زلفی گوزی رخساری قانه
..
..
..
..
..
گیدو ب بیربیر ویروب جان یار و انصار
بویاندى قانه اصحاب وفادار
نگون اولدی علم ئولدی علمدار
امامین قامتی دوندی کمانه
..
..
..
..
..
نه تک ال چکدی عون و جعفریندن
نه قاسمدور نه دل سیز اصغریندن
همی باشدان کچوب هم اللریندن
گجه خلوتده ویردی ساربانه
..
..
..
..
..
بو نسگلدور که اولموب بیر مسلمان
جنازه قالدی اوچ گون یرده عریان
گلنده قتلگاهه آل عمران
تاپانموب اول بدنده بیر نشانه
..
..
..
..
..
دویونجا آغلیان اولموب امامه
سالندى بسکه سرعتله نظامه
على اولادینی چکدیله شامه
گله لعنت وفاسیز کوفیانه
..
..
..
..
..
اوزاق یوللاردا چوخ چکدیله زحمت
پیمبر عترتی اولمازدی راحت
عجب دور بلبلان باغ وحدت
قالوب بی لانه و بی آشیانه
..
..
..
..
..
قولی باغلی کمک سیز پا پیاده
اوزی عزّت گورن بیر شاهزاده
ایده ایستردی ناله باخ عناده
ؤوراردی هر یتن بیر تازیانه
..
..
..
..
..
دایان «صافی» قلم اود دوتدی یاندی
مطوّل اولدی سوز مطلب أوزاندی
نه ظلم ایلوبدی دشمن بو عیاندی
عیال پاک شاه انس و جانه
..
..
..
#حیدریه #صافی_تبریزی #حیدریه_شهادت #ترکی #زبدةالاشعار