زبدةالاشعار

جان گیدیر یوخ منده طاقت شاه مردان یا علی #فاطمیه_ام_لیلی

زبانحال حضرت زهرا سلام الله علیها
.
.
.
#سبک_زینبم_جان_اوستیم (4 سبک )
.
.
مرحومه ام لیلی ( کنیز فاطمه )
.
.
جان گیدیر یوخ منده طاقت شاه مردان یا علی
گل گیلن ایله تلاوت بیرجه قرآن یا علی
.
.
.
ای امام انس و جان گل سن حلال ایله منی
آیریلیق هنگامی دورترک ایلورم آلان سنی
ایستیوب بزم وصاله مصطفی احمد منی
عازمم خلد برینه ایندی مهمان یا علی
.
.
.
الوداع و الوداع ای پادشاه کن فکان
دورمنی ایله بقیعه یاعلی ایندی روان
یادیمه دوشموش بابام یوخدور گوزومده بو جهان
دورمنی تئزسال یولا ای شاه دوران یا علی
.
.
.
یاخشی حرمت قیلدیلار دلدادۀ پیغمبره
سیندی ظلمیله قابورقام چیخدی نالم گویلره
دستگیراولدی عم اوغلوم چکدیلرمسجد لره
عرشه چیخدی شیعه دن فریاد و افغان یا علی
.
.
.
من نه نوعی تاب ایدیم بو قدر درد و غملره
ظلمیله یاندی قاپوم هم یاندی جسمیم آذره
لاعلاج عجز ایلدیم من روسیه دشمنلره
سقط اولدی محسونوم اولدوم هراسان یا علی
.
.
.
لطف قیل بو عرضیمه وار دور سنه بیرمطلبیم
سن امامی سن بوسوز واقع منیمدور مکتبیم
عازمم دار بقایه جان سنون جان زینبیم
قویما اولسون چوخ پریشان زارونالان یاعلی
.
.
.
اوز الونله شانه ایله زولفونه بو مضطرین
اورگشوب ویرمزقیزیم غارتده باشدان معجرین
کربلاده دوغرایاللار تشنه لب قارداشلرین
یاخاچاقدی زینبیم بو زولفونه قان یا علی
.
.
.
زینبیم من تک دگول چوخدور دوامی مِحنته
باش و جانیله رضا ویرمیش بو درد فرقته
محرم و غمخوار سیز دوشسه گذاری غربته
غربت ائلده قویما اولسون دیده گریان یا علی
.
.
.
هانسی باجی صبر ایدرچون قارداشین عطشان گوره
باشی جسموندن کناره پیکرین عریان گوره
یتمیش ایکی یاورینی قانینه غلطان گوره
گول بدنلردن آخاندا چشمه تک قان یا علی
.
.
.
من اوزوم تاب ایتمدیم بیردستگیر حیدره
بو بیچریتمیش کفن بیرگونده آل اطهره
بو قدرظلم یوز وئریب هانسی بلالی خواهره
اصغرین حلقینده گورسون قانلی پیکان یا علی
.
.
.
آغلا ای«زهرا کنیزی» بیرغریبین حالینه
قویماییبلار جان ویرنده اهلبتین یانینه
بلبل اول باغ عزاده مصطفی گلزارینه
حشریده اولسون شفیعون میر رضوان یا علی
.
.
.
#فاطمیه_شهادت
#جان_گیدیر_یوخ_منده_طاقت_شاه_مردان_یاعلی
#ام_لیلی
#ترکی
.
.

متن پیشنهادی:  سلام عرشه گئدن قهرمان شجاعتوه #قاسم_سلیمانی_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی