گل آنا یا فاطمه خیمه لریم یاندی گل #شام_غریبان_محمدی_ناطق

شام غریبان امام حسین (ع)
..
..
..
..
محسن محمدی هشترودی ( ناطقی )
..
..
..
..
گل آنا یا فاطمه خیمه لریم یاندی گل
کرب و بلاده بوگون شام غریباندی گل
..
..
..
..
یوخ سوروشان حالیمی غملی بیابانیده
گلدی نلر باشیمه ورطة طوفانیده
گوللره آفت یتوب صولدی گلستانیده
بلبل شیدالرون غملی غزل خواندی گل
..
..
..
..
کوفه لیلر ظلمیله دوغرادیلار اکبری
اوچ پر اوخیلا آنا اوخلادیلار اصغری
قلبیمی قان ایلدی ذبح اولونان حنجری
وئرمدیلر سو سوسوز ظلمیله اوخلاندی گل
..
..
..
..
خون دیله گوز یاشین زینب نالان قاتوب
اهل و عیالون حسین یکسره گوزده آتوب
کعبة آمالیده یاره لی یورقون یاتوب
باشی گئدوب کوفیه خولیه مهماندی گل
..
..
..
..
گل آنا وئر تسلیت غم زده قیزلاریوه
توپراقین اوسته یاتان عابد بیماریوه
منتظرم آی ننه دیده و دیداریوه
نصفی یانان خیمه ده قیزلار هراساندی گل
..
..
..
..
کسدیلر امداده گل زینبوین چاره سین
قیزلاروین آلدیلار سویدولا گوشواره سین
شمر آپاروب اصغرین غارته گهواره سین
غملی ربابین آنا حالی پریشاندی گل
..
..
..
..
گل آنا باش چکمگه سینه سی سوزانلارا
سس وئر اوغولسوزلارا دیده سی گریانلارا
دقّتیلن قیل نظر قلبی اولان قانلارا
السیز ایاق سیزلارا گلمگون احساندی گل
..
..
..
..
کوفلیلر ئولدوروب اکبریلن قاسمی
یخدیلار آتدان یئره شیر دل عبّاسیمی
دعوت ائدنلر بو گون پوزدلار اجلاسمی
اوغلون حسینون آنا پیکری شان شاندی گل
..
..
..
..
باخمادیلار غملییم گوزده کی گوز یاشیمه
شدّتیلن ویردیلار قمچی لری باشیمه
چاتمادی نیلوم الیم یاره لی قارداشیمه
مسلخ عشّاقیده قانینه غلطاندی گل
..
..
..
..
شمع شبستانیوه یتدی خطر آی ننه
واقف الاسرار سن غملری گل سای ننه
قوی الیوی قلبیمه من دئیوم آخ وای ننه
چاره سیزم چاره قیل قارداشیم عریاندی گل
..
..
..
..
زینبون آغلار قالوب احمد مختاره ده
بو جریانات بس محر م اسراره ده
گل نجفه مطلبی حیدر کرّاره ده
زینبون عرض ایلوری شام غریباندی گل
..
..
..
..
«ناطقی» آغلار گوزون قلبی یانان زینبه
غملر الینده او گون تئز قوجالان زینبه
شمر امان وئرمدی زیب جنان زینبه
سسلدی گل یا حسین عمرمه چایاندی گل
..
..
..
..

#شام_غریبان_محمدی_ناطق #ترکی #زبدةالاشعار