گل اوغول عازم اولور عالم عقبایه جواد #جوادیه_صالح_سرابی

زبانحال حضرت امام جواد علیه السلام
.
زبدة الاشعار

?: @nohe_torki
.
صالح سرابی
.
گل اوغول عازم اولور عالم عقبایه جواد
گل وداع ایله گیدور محضر طاهایه جواد

.
یثربی ترک ایله بغداده یتور فوری اوزون
آتاوین بیر کسی یوخدور بالا سن باغلا گوزون
قوی الون باشیمه دیندیر ایشیدیم بیرده سوزون
سنی دنیاده بیلور عمرینه سرمایه جواد

.
گل جمالوندن اوغول دویمادی دنیاده آتون
صید اولوب قوش کیمی بیر مکریلی صیاده آتون
جان ویرور سسلیور ایندی سنی امداده آتون
بیرده ایستور باخا اول چهره زیبایه جواد

.
اولمادی قسمت اوغول من سنی داماد ایلیم
اگلشم طوی گونی مجلسده سنی شاد ایلیم
گوگلوی غصه و غمدن او گون آزاد ایلیم
ناگراندور بالا آخر غم فردایه جواد

.
آتاسیزلیق بیلورم مشکل اولار هر اوشاقا
بالاخص طویدا آتا اولمیا دوشسون قاباقا
دولانار اوغلی بهانه که بیر آز آغلاماقا
چون گیدوبدور ایله بیر بزمه تماشایه جواد

.
قالمیشام منده زبس که آتاسیز آغلامیشام
فرقتینده یوزیمه گوزیاشیمی باغلامیشام
غربتین یاده سالوب سینه می هی داغلامیشام
تاب ایدوب دهریده بو محنت عظمایه جواد

.
آگهم چون سینده دشمن ایدر ظلم و جفا
آد مسلماندی عملده ولی ابلیس دغا
نه بلا گلسه دایان دینه گوره سنده بالا
تاپشورور ایندی سنی قادر یکتایه جواد

.
گور نجه ایلدیلر ظلمیله مسموم اولورم
بو جوان عمریدن اولدوم بالا محزون اولورم
اوز آتام مثلی غریبانه و مظلوم اولورم
دردی چوخدور دیه جک حضرت زهرایه جواد

.
گرچه غربتده بیله حسرتیله جان ویرورم
نه باتوب سینمه اوخ نیزه قوم اوسته اولورم
نه باجوم دشمنیلن کشمکش ایلور گورورم
نه ویروب پیرهنین ظلمیله یغمایه جواد

.
من گرک آغلیام اوز جدیم حسینون غمینه
کربلاده ستمیله یخیلان پرچمینه
گل بوغازیندن آخان قوملارین اوسته دمینه
دید قلبیله باخور بوردان او صحرایه جواد

.
سیندیروب سنگ جفا اول حقین آیینه سینی
اول قدر اوخ ویریلیب که بوریوب سینه سینی
کوفه اشراری بروزه گتوروب کینه سینی
داغلیور قلبینی بو محنت عظمایه جواد
.

#سبک_یارالی_جان_یارالی ( 4 سبک شامل سبک های کربلا_منتظر_ماست … گل_حلال_ایله_منی … شهریاریمسن_آقا … یارالی_جان_یارالی )
پخش‌کننده صوت

?: @nohe_torki