آداب حسینیت
..
..
..
کربلایی ابوالفضل عباسی معروفان
..
..
اصول شرعه قائلدی حسینچی
هوای نفسه قاتلدی حسینچی
عبودیتده کاملدی حسینچی
دئمه دیوانه عاقلدی حسینچی
..
..
حسینچی بستر غفلتده یاتماز
حسینچی دینینی دیناره ساتماز
حسینچی ادنیایه ال اوزاتماز
حسینچی باش ویرر اربابین آتماز
حسینچی گؤزیاشین تزویره قاتماز
حسینون نوکری عاشقدی اما
نمازین قیلماسا دلداره چاتماز
..
..
اصول شرعدن دؤنمز حسینچی
ریایی محفله گئتمز حسینچی
عذاب دوزخی گؤرمز حسینچی
به جز باب اللهی دؤگمز حسینچی
ضعیفه یار اولار گولمز حسینچی
بیلون ای اهلبیته چپ باخانلار
حسین تا ئولمیوب ئولمز حسینچی
..
..
حسینچی سالک عهد ازلدی
حسینچی مرد میدان عملدی
ثناگوی خدای لم یزلدی
خدایی عشقده بی غش و غلدی
شجاعت عالمینده بی مثلدی
حسین عشاقینه جنت نه لازم
حسینون قبری جنتدن گؤزلدی
..
..
حسین باش اگمدی گردن فرازه
شهید اولدی آقام راه نمازه
وئروبدور شیعیانه جان تازه
جهان بنده ٬ شه بنده نوازه
او شاهه ال آچوب عالم نیازه
حریم عشقه کیم ائتسه تجاوز
حسینچی جان وئرر ویرمز اجازه
..
..
حسین آیینه ایزد نمادی
حسین سرداده قالوا بلادی
حسین فرمانده کل قوادی
حسین فلک النجا نور هدادی
اخان قانی همان خون خدادی
حسین ذبح عظیم راه حقدی
حسینچی رهبر دینه فدادی
..
..
حسینون رتبۀ والاسی واردی
معظمدی ید بیضاسی واردی
مکرمدی کرم دریاسی واردی
علمدار ملک سیماسی واردی
که یعنی حضرت عباسی واردی
ئولونجک افتخار ایلر حسینچی
حسین تک رهبر و مولاسی واردی
..
..
قرا باشدا علملر سایه سینده
حسینیم وای دییر ال سینه سینده
طنین غم حسین وای ناله سینده
چالار ناقوس دل جان پرده سینده
یازیلمیش یا حسین دل لوحه سینده
گؤرر مین دفعه ده ائتسه تلاوت
حسینون عطری وار کهف ایه سینده
..
..
حسین نی ده ایدوب قرآن تلاوت
هو الحق سسلدی شاه هدایت
دیدی زینب باجون قربان او ساعت
حسین ٬ سن غملرین ایله حکایت
ایدیم من داش وورانلاردان شکایت
ووروم باش محمله تا ثابت اولسون
باشیمدا وار منیم شوق شهادت
..
..
بلی صادق حسینچی زینبیدی
نه زینب ! واقعا# زین ابیدی
حیاده اوستاد مکتبیدی
همیشه ذکری یارب یاربیدی
گونوزلر عابد و یار شبیدی
وفا درسینده شاگرد معظم
علینون قهرمانی زینبیدی
..
..
..
#حسینیه #معروف_اهری #حسینیه_مدح #ترکی #زبدةالاشعار #ورود_محرم #ورود_محرم_معروف_اهری
نظر دهید