شمره بیور گلن بابا بیز اسرانی ویرماسون #راه_شام_کاتب_اردبیلی

زبانحال حضرت سکینه (س) در راه شام
..
..
مرحوم کاتب اردبیلی
..
..
شمره بیور گلن بابا بیز اسرانی ویرماسون
یوخدی یتیمه قزلارون تاب و توانی ویرماسون
..
..
اؤز قباقوندا بو قدر شمر ستمگر اینجیدور
وای او زمان که آیریلام آرتق او کافر اینجیدور
باغلاناجاقدی قوللاریم بند و رسن لر اینجیدور
تاپشور او ظالمه منِ بخت قرانی ویرماسون
..
..
کرب و بلایه گلمیشوک محمل زر نشانیلن
ایندی اسیر ایدوب بیزی شمر کشان کشانیلن
آت قباقیندا گزدیرور دیدۀ خونفشانیلن
یوخ دِیَن اول منافقه آل عبانی ویرماسون
..
..
من نجه صبر ایدوم بابا اکبریمون فراقینه
هاردا قالوبدی من گیدوم تا دوشنوم ایاقینه
بو قدر آغلارام سسیم یتمز اونون قولاقینه
شمره دئمز بو بیکسون یوخدی گمانی ویرماسون
..
..
ناله او قدری ایتمیشم قطع اولا آز قالوب نفس
هاردا قالوب غیور عموم بیرجه ویره سسیمه سس
قویمویا دشمن ایلیه بیزلره عالمی قفس
بلبل غم تک ایتمیم شور و فغانی ویرماسون
..
..
قویما بو قوم دون بیزی اینجیده یاوریم بابا
قمچی قباقینه سالوب گزدیره سروریم بابا
حیف اولا ساغ دگل گله داده کومکلریم بابا
تاپشورا شمره عترت شیر خدانی ویرماسون
..
..
#راه_شام #کاتب_اردبیلی #کوفه_کاتب_اردبیلی #کوفه #ترکی #زبدةالاشعار