گل ای سفینهٔ محنتده ناخدا قارداش #دخیل

خروج از مدینه
مکالمهٔ حضرت اباعبدالله الحسین (ع) با محمد حنفیه
.
زبدة الاشعار
.
: @nohe_torki
.
مرحوم دخیل مراغه ای
.
زبانحال محمد حنفیه :
.
گل ای سفینهٔ محنتده ناخدا قارداش
گلوب طلاطمه دریا کیمی بلا قارداش
.
دالونجا قویما علیلم منی گوزی یاشلی
محمد حنفیه سنه فدا قارداش
.
اگرچه دشمنون آرتوب مدینه دن گئتمه
وطنده واردی گینه قوم و اقربا قارداش
.
بیریسی ائتمیه نصرت بیری حمایت ائدر
وجه گلر بئله گونلرده آشنا قارداش
.
منیم ده قارداشیم عباس تک اؤلیدی الیم
گلیدی پنجه مه شمشیر لافتیٰ قارداش
.
گؤریدیم اوندا یزیدی نئجه مقابل اولور
حلال زاده ایله زادهٔ زنا قارداش
.
ائدوم نه چاره گورورسن الیمده قوت یوخ
یوخومدی قوت الیمه آلام جدا قارداش
.
آتام علی قاباقیندا قلج ویران گونلر
ائدردی صولتیمه فخر مرتضی ٰ قارداش
.
نه نوع گؤر یغیلوب بیر یئره بلا بولودی
دگُل بو کوچ گونی،دوتقوندی چوخ هوا قارداش
.
گل ایندی گئتمه ،کوفه نی ائله موقوف
که اهل کوفه ده یوخ ذره جه وفا قارداش
.
آتام علینی اولار ئولدوروب گمانیم وار
که قانی ایندیده محرابیده قالا قارداش
.
یوخوندی چاره اگر گئت آپار جوانلاریوی
حرم آپارماقیوا وئرمرم رضا قارداش
.
بونی قبول ائلمز غیرت بنی هاشم
که فاطمه قیزی زینب اسیر اولا قارداش
.
بو خیردا قیزلاریوا رحم ائله مدینه ده قوی
سکینه هاردا گوروب سیلی جفا قارداش؟
.
بو قدر بیل ،سنی ئولدورسه لر بو قوم شریر
دوشه لّه چوللره اولاد مصطفیٰ قارداش
.
بو التماسیمی رد ایلمه دخیلم من
دخیلی تئز ائله بو غصه دن رها قارداش
.
.
جواب امام حسین علیه السلام :
.
مدینه ده بیزه هرچند مهربان چوخدور
تغافل ایلمه چون جور آسمان چوخدور
.
بیری بیریندن آیرماقه صاف معشوقی
بو کارخانه ده معیار امتحان چؤخدور
.
گرک بو یولدا ویریلسون مدینه قافله سی
وگرنه شام و عراق اوسته کاروان چوخدور
.
حجاز قوشلاری اولسون گرک پراکنده
دیلّه شامیده ویرانه آشیان چوخدور
.
چکوبله اکبریمون صورتین شهادتده
وگرنه صورت اکبرکیمی جوان چوخدور
.
پسند ائدوبله علی اصغری شهادت ایچون
دئمه اونون کیمی تیره اولان نشان چؤخدور
.
بو آغلاماق سسی کرب و بلاده چوخ اوجالور
که سینه لرده بو گون نالهٔ نهان چوخدور
.
بو ذوالجناح منی کربلایه جان آپارور
گئدنده شامه ،سوار اولماقا سنان چوخدور
.
دیون کجاوه لری باغلاسونلا وقت گئچر
یئتیشمز آخره قصه بو داستان چوخدور
.
واروندی حوصله ایله قفسده ناله «دخیل»
که تنگه گلسون اگر باغ و بوستان چوخدور
.
مقدمه این متن در هشتک زیر
#کای_موالی_موسم_فصل_بهار_کربلاست
#هزاره_چمن_آل_مصطفایم_من
.
#خروج_مدینه
#گل_ای_سفینه_محنتده_ناخدا_قارداش
#مدینه_ده_بیزه_هر_چند_مهربان_چوخدور
#دخیل
#ترکی
.
#زبدةالاشعار
.
: @nohe_torki