گل ای لعل لبی سیراب ایدن لعل بدخشانی #مهدیه_خوندل_تبریزی

یا مهدی
.
.
.
مرحوم حاج حیدر #خوندل_تبریزی
.
گل ای لعل لبی سیراب ایدن لعل بدخشانی
گل ای ترسیم ائدن حسن جمالین بی بدل مانی
.
گل ای پیغمبر رحت آدیله آدلانان مولا
سنی زهرا آنان بیزدن قبول ائت بو تمنانی
.
حجاب غیبتی بیر لحظه مه یوزدن کنار ایله
جمالون جلوه سی شرمنده ائتسین مهر رخشانی
.
مریض عشقه لازمدور طبیبین آختاریب تاپسون
دئسون اوز دردینی آلسون او درد عشقه درمانی
.
گلوبلر منتظرلر جانه گل ای یوسف زهرا
جمالون جلوه سی شرمنده ائتسین مهر رخشانی
.
آنان یابن الحسن گئتدی شهیده دار دنیادن
فراقینده عزادار ائتدی بیر آزاده انسانی
.
کنار قبرده دوردی علی باخدی سلام ائتدی
ولی ردّ جوابه اولمادی زهرانون امکانی
.
اؤرکلندی دئدی سنسیز داخی یوخ خیر دنیاده
ئولیدیم کاش بو مرگین حیاته واردی رجحانی
.
دئدی درد دلین آیریلدی قبر پاک زهرادن
قیام قائمه قالدی بساط عدل دیوانی
.
گلوبلر منتظرلر جانه گل ای یوسف زهرا
نشان وئرمه یوزون دوشسون محاقه ماه کنعانی
.
حیات تازه ایستیر پیکر فرسودۀ اسلام
گل ای اعجازیله عاجز قویان مین لر مسیحانی
.
امام دادپرور، دادگستر، دادگر تئز گل
بو پر آشوب دنیانی دوتوب امواج ظلمانی
.
طریق رشده ارشاد ائتماقا خلقی ضلالت دن
نشان ویئر اؤز رشیده طلعتوندن بیر تجلانی
.
هامی مظلوم ئولنلردن جهاندا وارث دم سن
خصوصاً یرده گل قویما قالا اوز جدّیوون قانی
.
گل ای روزی خور یمن عطاسی مؤمن و کافر
گل ای مرزوق احسان و نوالی عالی و دانی
.
گل ای شمشیر برّان عدالت انتقامین آل
قویوب تیغونده خالق التیام صدر زهرانی
.
قیام ائت ای قیام قامتی رشک قد طوبی
خرامون ساخلاسین رفتاردن سرو خرامانی
.
تمام اهل دنیانون امام عصریدور، «خوندل»
اماندی چنگ وور قویما گیده الدن او دامانی
.
دوشنده مشکله خلوتده سسله یا اباصالح
ولی الله دور هر مشکلون وار اوندا آسانی
.

#مهدیه
#گل_ای_لعل_لبی_سیراب_ایدن_لعل_بدخشانی
#ترکی
.