زبانحال حضرت زینب کبرا “س” در وداع امام حسین “ع”
.
✍️ #زبدةالاشعار ✍️
.
🆔: @nohe_torki
.
مرحوم هادی تبریزی
.
گیت بویان قانه حسین پنهان حقیقت اولماسین
دین اسلامه بو چولده هتک حرمت اولماسین
.
.
گورموسن باطل حقیقت عارضین مستور ایدوب
رهروان راه حقّی ظلمیله رنجور ایدوب
اهل شاماتی ریاست فکرتی مخمور ایدوب
گیت ریاست دینه ایله تا ریاست اولماسین
.
.
ساربانه ویر اَلون ویرمه یزیده بیعته
ویر باشون باش اگمه سن بیر عدّه بی حیثیّته
قوی بو نازلی قیزلارون دوشسون بو چولده وحشته
حشره دین تا که مسلمانلاردا وحشت اولماسین
.
.
قوی بو چولده پیکروندن چشمه چشمه قان آخا
عرش طاقیندن آتان جدّون رسول الله باخا
نصف شب زهرا آغارمیش زلفینه قانین یاخا
تا که باطلدن حقه بیر لحظه سبقت اولماسین
.
.
قتلگاه عشقیده آل قانیویله دستماز
آچ جبینوندن آخان قانیله یرده جانماز
قوی اذان روح القدس ویرسین حسینیم قیل نماز
تا نمازه دست کینیله خیانت اولماسین
.
.
ویر یزیدین صفحۀ تاریخنه نقش عَدَم
عرصۀ عزّتده ویرسون تا مسلمانلار قدم
سینن اوسته آت چاپا قوی بو گروه بد شیم
دوز بو ظلمه سنده هیچ تغییر حالت اولماسین
.
.
حقّیوی دنیا و مافیهایه سن اعلان ایله
سو یانیندا تشنه جان ویر عالمی حیران ایله
سر فراز اول قان ایچینده شمری سرگردان ایله
تا کسنده باشیوی قلبینده رقّت اولماسین
.
.
ویرماقا باش واردی باشونده بو گونده چوخلی شور
تختخوابون بو گجه اولسون گرک کُنج تنور
تا ایده مطبخ سرادن جلوه نورِ نو ظهور
تا مسلمانلار گوزونده خواب غفلت اولماسین
.
.
باطله باش اگمیوبدور آل ختم المرسلین
منده واجبدور ویرام شامه حقیقت پرچمین
تا بولونسون شیردور دُخت امیرالمؤمنین
تا ایکی عالم سرافکنده بوامّت اولماسین
.
.
شام ایچینده ایلرم قارداش رشیدانه قیام
مسجد شام ایچره بر پا ایلرم بیر ازدهام
تا بوله دنیا واریمدور بو سفرده بیر مرام
حشره دین تا دین اسلامه اهانت اولماسین
.
.
بولموری هرکس نه ظلم ایلر یزید کینه کام
قویمارام بر باد اولا رنج رسول لاینام
گر یزیدی ایتمسم رُسوا، دَگُل زهرا آنام
راه یکتاده گرک ایجاد بدعت اولماسین
.
.
“ هادی “ دلخستیه لطف ایله شاها قیل نظر
چوخ زماندی قلبینه آخر دوشوبدور بیر شرر
روز و شب دائم توکر رخسارینه اشک بصر
لطف قیل قلبینده تا اندوه و حسرت اولماسین
.
.
#وداع_هادی_تبریزی
#حسینیه_وداع
#گیت_بویان_قانه_حسین_پنهان_حقیقت_اولماسین
#ترکی
.
✍️ #زبدةالاشعار ✍️
.
🆔: @nohe_torki
نظر دهید