گل بابا داده اکبر یخلدی #اکبریه_محمدی_ناطق

زبانحال حضرت علی اکبر (ع)
.
#زبدةالاشعار
.
: @nohe_torki
.
محسن محمدی هشترودی ( ناطقی )
.
گل بابا داده اکبر یخلدی
ظلمله توش اولوب اشقیایه
بیر نچه لحظه بوردا قوناقم
عازمم محضر مصطفایه
آیت لم یزل سن یوبانما
هر گوزلدن گوزل سن یوبانما
.
.
گل باخوم قانلو گوزله جماله
خوشدی بو حالدا یتماخ وصاله
صاحب اولدوم بو قانلو مداله
گر چه دوشدوم یارالی ملاله
راضیم مطلقاً هر بلایه
.
.
بازدید ایله صبح اولدوزوندان
با خبر اول گلان دلسوزوندان
دویماق اولمور دادیندان دوزوندان
اول مواظب بس املیک قوزوندان
وار سلامیم او دلسیز بالایه
.
.
دورماقا یوخدور امکان یوبانما
دردمندانه درمان یوبانما
منشأ کنز ایمان یوبانما
خواجة ملک رضوان یوبانما
ایتمرم جان زهرا گلایه
.
.
گلمه گورسن منی آه و زاره
واردی باشیمدا بیر کاری یاره
نعشمی چک بو یرده کناره
عازمم عشقله کوی یاره
آرزو وار یتم انتهایه
.
.
ای ولیّ محبّان یارام وار
پیکریمدن آخور قان یارام وار
آیرلور جسمدن جان یارام وار
ای طبیب طبیبان یارام وار
قالدی دیدار تیز گل بقایه
.
.
یوخدی مثلون بابا بی بدل سن
خلقت کایناته علل سن
فعل و کردارده با عمل سن
هر گوزلدن بابا سن گوزل سن
عاشقم گورمگه گل هرایه
.
.
وار باشیمدا بابا بیر علامت
یاره دن قالمیوب استقامت
اکبره اولدی برپا قیامت
یوخدی یر پیکریمده سلامت
گل خبر ویرمه زین العبایه
.
.
کوفیان الده ایلوب بهانه
عمرمون عیشی دوندی خزانه
لعن اولا بی وفا کوفیانه
گل گلن سسلورم یانه یانه
آند ویرم سنی مرتضایه
.
.
لطف ایله متن قرآنه خاطر
توپراق اوسته آخان قانه خاطر
دین یولوندا چیخان جانه خاطر
فارس مرد میدانه خاطر
خوشلورام تیز یئتم مدّعایه
.
.
اکبره قطع اولوب راه چاره
رحم ایدن اولمادی کم بهاره
یوخ کمک ایلین بیقراره
جسممی ایتدیلر پاره پاره
گل ئوزون نعشیمی یغ عبایه
.
.
دوستان اگلشوبدور عزایه
بزم ماتم قوروب مه لقایه
«ناطقی» وصلدور اجتمایه
قیل نظر سیّدی کم بهایه
دعوت ایله گلاخ کربلایه
.
.
.
#اکبریه_محمدی_ناطق
#اکبریه_شهادت
#گل_بابا_داده_اکبر_یخلدی
#ترکی
.
#زبدةالاشعار
.
: @nohe_torki