ورود کوفه و خطبه زینب کبری
.
✍️ زبدة الاشعار ✍️
?: @nohe_torki
.
هدایتی تبریزی
.
من ای یارالی عاشق نالانوام سنین
باخ زینبه که بی سر و سامانوام سنین
.
سن نیزه اوسته ناقه ده من سیره چخمشیق
من ناقه اوسته واله و حیرانوام سنین
.
آل پیمبرین گوزلی ، مست عشقوم
ایله نظر کی کشتهء هجرانوام سنین
.
ایله اشاره جانمی قربان وئریم سنه
جان بر کف ام ، فدائی و قربانوام سنین
.
چاتمیر الیم جداده دوتام تار زلفوی
یوخسا همیشه دست به دامانوام سنین
.
نار فراقوه آلشیب یانمشام اخا
دل شعله وردی شمع شبستانوام سنین
.
یارا یوخومدی ، دردین آلیب قلبدن توان
قلبی یارالی حامی یارانوام سنین
.
دردیم داشیب ئورکده طبیبیم دوا ایله
درمان سنیندی طالب درمانوام سنین
.
آچ قانلی گوزلری منه باخ قانلی نیزه دن
احسان ایله کی طالب احسانوام سنین
.
قرآن تلاوت ایله تاپا قلبیم التیام
من عاشق تلاوت قرآنوام سنین
.
ای حق کلامی گوهر نایاب گوزگار
من مشتریّ لوءلوء مرجانوام سنین
.
کوفی لر ئوزلرین ایتریب ال چالور گولور
من دلشکسته لیک پریشانوام سنین
.
طعنه ووران جماعته یوخ ذرّه اعتنا
سوزان دلیله خواهر گریانوام سنین
.
یوخدور گجه گونوز یانیرام غمله دم به دم
دل پر شرردی خوندل و سوزانوام سنین
.
بو کوفی لر سنه داش آتیر کور اولا گوزوم
مفتون رنج و درد فراوانوام سنین
.
کول وار یوزونده کول باشنا کوفه اهلنین
حیران دون و پستی عدوانوام سنین
.
بیر باش بو قدر ظلم و ستم ، بو قدر جفا
پیمانه داشدی ، واله پیمانوام سنین
.
اوخ یاره سی ، قلج یاراسی ، داش یاراسی وار
قانلی باشندا ، یار نوا خوانوام سنین
.
وئرسن اشاره خطبهء غرّامی باشلارام
من ای یارالی گوش به فرمانوام سنین
.
باخما رباب و لیلیه حسرتله نیزه دن
باخسان نقدری باخ منه خواهانوام سنین
.
(بیر قدر باخدی دوره ده پیر و جوانلارا)
(حکم سکوت ویردی گولوب ال چالانلارا)
.
فرمایش ایتدی ننگ اولا ای کوفیان سیزه
معناده لعنت ایلوری کرّوبیان سیزه
.
ای حیله کارلر نه سببدندی آغلوسوز
مونس اولوبدی ناله و اشک روان سیزه
.
گوز یاشلاریز قوروماسین ای قوم فتنه گر
اولسون نصیب سود عوضنده زیان سیزه
.
نامه یازیب قوناق چاغیرانلار یوزوز قرا
بو مُهر ذلّت آلندا اولدی نشان سیزه
.
ای بی وفا یالانچلار ، ای حیله کارلر
عادت اولوبدی مکر و فریب و یالان سیزه
.
حددن گئپیب وقاحت و رسوالقز بیلین
کینه اولوبدی سینه ده گنج گران سیزه
.
وار اوخشاریز کنیزه کی عدوانه گوز وورا
اولموش نصیب حقارت دور زمان سیزه
.
گول سوز اگر کی مَزبله ده رشده گلمسیز
سرگین اولوبدی خون و تن و جسم و جان سیزه
.
اولساز گوموشده زینت تابوت و قبرسیز
حق لعنتی گلیدی کران تا کران سیزه
.
بد توشه گوتدوز آخرته ننگ و عاره باخ
خشم خدا رفیق اولاجاخ جاودان سیزه
.
چوخ آغلیین گوروم سیزین هئچ گولمه سین یوزوز
بیر ننگ لکّه قویدی آخان زنده قان سیزه
.
داغ چکمسیز پیمبرزین داغلی قلبنه
وای اولسون ای سیه دل و زشت آرمان سیزه
.
ئولدورموسوز شباب جنانین آقاسنی
حقّوزدی کی انیس اولا آه و فغان سیزه
.
موءمن لرین پناهنی ئولدوردوز الامان
مشکل اولاندا ملجاء دی هر زمان سیزه
.
وزر و وبالیز اولدی آغیر ، قسمتیز فسوس
دور اولدی لطف و مرحمت لامکان سیزه
.
سنسین الیز ، تلاش لریز ویرمدی ثمر
دارالضّرار اولا بو جهاندا جهان سیزه
.
پیغمبرین عزیز لرینی ایتمسیز اسیر
وای اولسون ای بیزه داش آتیب ال چالان سیزه
.
حیران قالیب جنایتیزه اهل عرش و فرش
نفرین ایدیر زمین سیزه ، هفت آسمان سیزه
.
اولسون یوزوز قرا گونوم اولموش قرا منیم
همدم همیشه لیق اولا سوز نهان سیزه
.
(آیا تعجّب ایلیوسوز یاغدی قان یره)
(وار حقّی بو عزاده اگر گوی قرا گیه)
.
اولدی ضلالتیله تبادل سعادتیز
ذلّت توزی قونوب باشزا گیتدی عزّتیز
.
خوش اولمیون بو مهلته کی حق ویریب سیزه
چکدی سیزی ضلالته پیر طریقتیز
.
حقّین شتابی یوخدی گنهکاری دوتماقا
آزادسز هر ایش گوره سیز واردی مهلتیز
.
آگاه اولون کی الله همیشه کمین ده دور
مغرور ایتمه سین سیزی طول فراغتیز
.
جدبیم دیبدی حرمتی واجبدی مهمانین
بیلمم ندندی اولموری مهمانه حرمتیز
.
نامه یازیب چاغرمسیز آل پیمبری
مهمان لقا بو شهره بیزه اولدی دعوتیز
.
قارداشمین باشی سیزه مهمان دگل مگر
وادور نقدری کینه و بغض و عداوتیز
.
کول باشزا کول اوسته ندن سالمسیز یرین
کور ایلییب بصیرتی عُجب و شقاوتیز
.
پیغمبر اوغلونون باشی نوک جداده دی
جشن ایلیرسیز ، عالمه واضحدی خفّتیز
.
بند طنابه باغلی پیمبر بالالاری
امّا سیزین گولور دوداقیز خوشدی حالتیز
.
فکر ایله میرسیز هئچ نه خطا سیزدن ئوز ویریب
دوزخ دی آخرت ایوی یوخ استراحتیز
.
شیطان سیزه مسلّط اولوب وای اولا سیزه
یاددان چخبدی ذکر خدا ، واردی خفّتیز
.
قرآن اوخور جداده حسینیم قلاق ویرین
ناگه بلا بو شهره گله یوخدی وحشتیز؟
.
داش آتمیین یارالی باشا چوخ یاراسی وار
درک ایتماقا کلامنی یوخدور بصیرتیز
.
ننگیندی راءییز افّ اولا راءی و مرامیزه
روشن اولوندی یوخدی صفا و صداقتیز
.
نه معرفت وارزدی نه پابند عهد سیز
واردور ئورکده کینه و دلده محبّتیز
.
تولانمارق ، گیدین ئوزوزه حیله ایلیین
معلوم اولوندی کرب و بلاده اصالتیز
.
پیغمبرین شبیه نی کینه یله دوغرادیز
شیطانه واگذار اولونوبدور زعامتیز
.
لیلا آناسنین باخوری نیزیه گوزی
ال چالمیین ، عزالیه اولسون رعایتیز
.
زینب سوزون قلم توکوری دفتر اوستونه
واردور توجّهوز کی ایدر نظم (هدایتیز)
.
#کوفه
#من_ای_یارالی_عاشق_نالانوام_سنین
#هدایت_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید