کوچ از شام
زبانحال حضرت زینب (س) به قبر رقیه (س)
..
..
هدایتی تبریزی
..
..
اسارتین یتیشیب باشه ماجراسی قزیم
دوشوب دی باشیمیزه کربلا هواسی قزیم
..
دلینده اکبر آدی ، اکبرین یولوندا گوزون
قوتاردین ، اولدی کفن اکبرین قراسی قزیم
..
مریض عشقدین آغلار گئچردی روز و شبین
بلالره هدف اولدون غم آشناسی قزیم
..
نه دردوی بیلن اولدی خرابه ده ، نه طبیب
نهانی دردوین اولدی نه بیر دواسی قزیم
..
بو نسکلین منی چوخ یاندربدی ، یاندراجاخ
ساغالمادی ایاقندا قابار یاراسی قزیم
..
خراب اولیدی خرابه گتیردی جانه بیزی
اوجالدی بوردا گویه عترتین نواسی قزیم
..
دویونجا اولمادی امکان سنه طعام وئرم
آج ئولماقین منی یاندردی آی پاراسی قزیم
..
علیّ اکبرین آغوشی جایگاهینیدی
خرابه نین سنی چوخ سخدی انزواسی قزیم
..
آز اولدی عمرون ، آز عمرونده چوخ ستم گوردون
جفا چوخ اولدی ، چوخ اولدی باشین بلاسی قزیم
..
اساس غارتی آلدیم سویان شقی لردن
یتیشدی هر آنایا اوغلونون لباسی قزیم
..
بشیک ربابه یتیشدی عمامه لیلایه
یتیشدی کلثوما عباس عمون لواسی قزیم
..
قولاقی یاره عروسه یتیشدی گوشواره
ئورک سوزون دئیه مانع اولور حیاسی قزیم
..
منه ده اوخ داغیدان قانلی پیرهن یتیشیب
سپهره اوج ائلیوب عترت آه و واسی قزیم
..
فقط قالبدی سنین الده گوشواره لرین
اولوبدی اهل دله آغلاماق اساسی قزیم
..
خرابه منزلی آباد ائله ائوین آباد
سپهره اوج ائله سین بوردان حق نداسی قزیم
..
علی نین آدی طنین سالسین هر اذان دا بورا
اوجالسین حنجره ی حقدن حق صداسی قزیم
..
سفیر عشق سن ای شامی فتح ائدن سلطان
مزارین اولدی بورا معرفت بناسی قزیم
..
بو غربت اولکه ده قالدی مزارین حیف اولسون
بو نوعی گئتماقا یوخ عمّه وین رضاسی قزیم
..
نه چاره شام خرابی گرک دی ترک ائلیم
گئدم همان یئره کی وار منه صفاسی قزیم
..
اگر چه شام دئیم ، کربلاده دور روحیم
کی کربلاده یاتیب گوزلریم ضیاسی قزیم
..
اؤزومی سالسام اگر قارداشیم مزارینه بیر
غم ائتمرم یئته گر عمروم انتهاسی قزیم
..
نه زجر وار نه سنان وار نه خولی واردی نه شمر
نه واردی قمچی وران ، باش کسن هراسی قزیم
..
هزار حیف یئرین بوشدی کاروانیم ده
یتیشمیوب دی باشا عمّه ن ابتلاسی قزیم
..
قرا گونوم بالا جانی ئولنده باشه چاتار
قوتارمیاندی غمیم ، واردی ارتقاسی قزیم
..
آلنمیوب نه قدر قارداشیم حسین قانی
آخار یوزه گوزومون قانلی کیمیاسی قزیم
..
قیامت ایلیرم اذن اولا قیامت ده
خوش اوللام اوردا قورولسا حسین عزاسی قزیم
..
دوشوبدی یاده علی اکبریم اسیر ئورگیم
ئورک ده ضبط اولونوب صوت ربّناسی قزیم
..
(هدایته) نظر لطفوموز اولوب شامل
و گر نه اولماز اونون مطلب رساسی قزیم
..
..
#کوچ_شام #هدایت_تبریزی #ترکی #زبدةالاشعار
نظر دهید