گل باجی گل دایانما میداندا قان توکوللر #عباسیه_حسین_ساکت

میداندا قان توکوللر
.
.
حسین ساکت خسروشاهی (هویدا) (1)
.
((گل باجی گل دایانما میداندا قان توکوللر
عباسیمی بخوبلار تیر و سنان توکوللر
.
قرآن ناطقم من جلدیمده قارداشمدی
قرآنه گور نه اوخلار قرآنیان توکولر))
.
چاره یولوم کسیلدی سندی بئلیم اگیلدی
یر گوی منه بو غمده اشک روان توکوللر
.
کفار کوفه ایستور بدر انتقامین آلسین
دشمنلرى علینون قان اوسته قان توکوللر
.
بیر قارداشمدی اون مین دشمن هامی مسلّح
عباسه هر طرفدن اوخ ناگهان توکوللر
.
یوخ بیر نفر بو امری سرداریمه یتورسون
گوزله باشین جفادن داش بی امان توکوللر
.
((وئرموله سو گتورمه وئر مشکوى ئوزون گل
جام آلده تشنه قزلار یاش ناگران توکوللر))
.
گویا من ئولمسم بو جنگ و جدل قوتولماز
هی شامیدن بو دشته یاره وورران توکوللر
.
گلزار مصطفانین فصل خزانی یتدی
انصاریمی یره چون برگ خزان توکوللر
.
بو قوم پست فطرت آللاهی داندی زینب
هند اوغلونون یولوندا قان سرگران توکوللر
.
قیل أیندیدن اسارت لباسینی مهیا
بو قانلاری نه بیجا شمر و سنان توکوللر
.
«ساکت» بو شعرى یاخشى یازمش «حسن جهاز دوز»
گل باجی گل دایانما میداندا قان توکوللر
.
(1)سه بیت از این شعر را مرحوم حاج حسن جهازدوز سروده اند
.
.
#عباسیه #حسین_ساکت
#عباسیه_شهادت
#گل_باجی_گل_دایانما_میداندا_قان_توکوللر
#ترکی
#زبدةالاشعار