زبدةالاشعار

آغلاما آغلار گوزون قربانی صبر ائت آغلاما #اصغریه_صاعد_تبریزی

زبانحال حضرت رباب (س) به علی اصغر(ع)
.
✍️ #زبدةالاشعار ✍️
.
🆔: @nohe_torki
.
مرحوم صاعد
.
آغلاما آغلار گوزون قربانی صبر ائت آغلاما
یوخ سودوم آغلاتما بو نالانی صبر ائت آغلاما
.
.
باغلیوب سو یولارین بو چولده قوم اشقیا
سن تک عطشاندی تماماً خیمه ده هر بیر بالا
بیر ایچیم سو یوخ خیمده نیلسون بیکس آنا
آغلاما آغلار گوزون قربانی صبر ائت آغلاما
.
.
نه امیدیم وار سوده نه خیمه لرده واردی سو
باغلیوب راه فراتی لشکر بی آبرو
بیر ایچیم سو ویرموری بو اشقیای کینه جو
آغلاما آغلار گوزون قربانی صبر ائت آغلاما
.
.
خیمه گاهی من دولاندیم تاپمادیم بیر جرعه سو
یوخدی سو آغلور تمام دختران ماهرو
نیلیوم چاره ندی گزدیم خیامی سو به سو
آغلاما آغلار گوزون قربانی صبر ائت آغلاما
.
.
صبر ایتمز بیر بیله ظلمه جهاندا هیچ آنا
دوشمیوب بو حالته عالمده آلتی آیلق بالا
کیم گوروب اوچگون على سودسوز بالا عطشان قالا
آغلاما آغلار گوزون قربانی صبر ائت آغلاما
.
.
منده سن تک تشنیم اوچ گوندی ای نازلو بالا
شیر خواره طفلینی گورموش بیله هانسی آنا
ایچمیه سو اوچ گونی نازلو بالاسی اودلانا
آغلاما آغلار گوزون قربانی صبر ائت آغلاما
.
.
یوخدی سو اما توکور گوز یاشینی دایم گوزوم
حالوه قان آغلورام باخدوقجا من ایمدی اوزوم
بیر آنا دوزمز علی بو حالته منده دوزوم
آغلاما آغلار گوزون قربانی صبر ائت آغلاما
.
.
التی آیدور سینه ده بیر ماه رخشان بسلدیم
بیر بیله زحمتله آخر جان دیدیم جان بسلدیم
چوخ محبّتله سنی هر ماه و هر آن بسلدیم
آغلاما آغلار گوزون قربانی صبر ائت آغلاما
.
.
سن علی ایتدوقجه شیون منده هر آن آغلارام
یوخ علاجیم حالوه باخدوقجا سینه داغلارام
خون دل گوزدن على رخساریمه من باغلارام
آغلاما آغلار گوزون قربانی صبر ائت آغلاما
.
.
آغلارام بو عالم ایچره گر قالام هر آن سنه
گوز یاشیم سودور بو گون ای غنچۀ عطشان سنه
اهل بیت مصطفی دایم اولار گریان سنه
آغلاما آغلار گوزون قربانی صبر ائت آغلاما
.
.
آغلوری اهل حرم جمله سنون احوالوه
گوز یاشی دایم توکر باخدوقجا هر کیم حالوه
بس نجه یانماز آنان باخدوقجه بیله حالوه
آغلاما آغلار گوزون قربانی صبر ائت آغلاما
.
.
منده سن تک آتش سوزان ایچینده یانمشام
سانما کیم احوالوه باخدوقجا آسان سانمشام
اوچ گجه گوندوزدی بو حالونله من اودلانمشام
آغلاما آغلار گوزون قربانی صبر ائت آغلاما
.
.
« صاعدا » آغلا رباب و اصغرون احوالینه
آغلوری دایم آناسی غنچۀ ترحالینه
قویمادی آخر فلک یتسون رباب آمالینه
آغلاما آغلار گوزون قربانی صبر ائت آغلاما
.
.
.
#اصغریه_صاعد_تبریزی
#اصغریه_شهادت
#آغلاما_آغلار_گوزون_قربانی_صبر_ائت_آغلاما
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ایندی که گئدورسن میدانه حسینیم #وداع_یحیوی_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی