گل حسین دوت شامیده شام غریبان زینبه #زینبیه_حضرتی_ناعمی

شهادت حضرت زینب سلام الله علیها
.
زبدة الاشعار
.
: @nohe_torki
.
علیرضا حضرتی(ناعمی)
.
گل حسین دوت شامیده شام غریبان زینبه
اشکریزان اول اخا بو اشکریزان زینبه
.
.
گل حسین گلدی اجل جانیم یتوبدور لبلره
گؤزلریم یوللاردادی چشم انتظارم یکسره
غرقیدور پؤزقون ئوزوم غم غصه دن اشک تره
رحم ائله ای بحر رحمت دل پریشان زینبه
.
.
گل حسین یول یولداشون جان اوسته یولداش آختارور
حسرتیلن ساق سولی گوزلرده گوزیاش آختارور
یدّی قارداش باجیسی یالقوزدی قارداش آختارور
یوخدی بیر دل داغلیان بو قلبی شان شان زینبه
.
.
غصه لردن قورتارام بیر لحظه امکان اولمادی
بش یاشیمدان دردیمه عالمده درمان اولمادی
زینبه خوش گون بو دنیاده حسینجان اولمادی
چرخ دون رحم ائتمدی بیرآن نواخوان زینبه
.
.
بو بلالی شامیده چوخ خاطراتیم وار منیم
یادیمه دوشدوکجه قلب زاریمی داغلار منیم
گوزلریم ابر بهاره یاحسین اوخشار منیم
بلکه بو جام اجل بیر ائتدی درمان زینبه
.
.
قلبیمی شام اهلی ظلم بی اماندان اوْدولار
عترت خیرالورایه خارجی آد قویدولار
ئولدوروب اوچ یاشلی زهرانی ستمدن دویدولار
بیر ساغالماز درد اولوب بو نسگل الان زینبه
.
.
گل حسین زینب بلالردن دوشوب حالدان حالا
گرچه شام شومیده گؤرموشدی باجون چوخ بلا
دؤزمدی بو شهریده نازلی رقیه تک قالا
چون قیزیم دردین دئمز الان بو نالان زینبه
.
.
.
#سبک_زینبم_جان_اوستیم … 4سبک
.
.
#زینبیه_شهادت
#گل_حسین_دوت_شامیده_شام_غریبان_زینبه
#حضرتی_ناعمی
#ترکی
.
#زبدةالاشعار
.
: @nohe_torki