گولدن فرشته لر بو گوله بستر ایلیوب #زینبیه_بابک_اردبیلی

میلادیه حضرت زینب (س)
..
..
حاج افشین بابک اردبیلی
..
..
گولدن فرشته لر بو گوله بستر ایلیوب
گهواره سین نسیم سحردور تکان وئرور
..
باد صباده شبنمیلن ایلیوب وضو
اول قاره زلفیده ئوزونه آشیان وئرور
..
الله وئروبدی فاطمیه بیر ایشیقلی گون
پیغام تهنیت اونا هفت آسمان وئرور
..
دؤنموش هلاله آی ، خانیمون احترامینه
عرض ارادتین اونا گویا نشان وئرور
..
کیمدور بو قیز که عاشق اولوبدور حسین اونا
قارداش دئمه کی باجینون عشقینده جان وئرور
..
آینده ده بو قزدی ، وئرن دینه تازه قان
ئوز عشقینون یولوندا گوزل امتحان وئرور
..
قارداش یولوندا دار و نداریندن ال چکر
کرب و بلا چولونده ایکی نوجوان وئرور
..
#بابک اوتانما قوی یوزووی آستانینه
دریا گناهون اولسادا قورخما امان وئرور
..
..
#زینبیه_میلادیه
#گولدن_فرشته_لر_بو_گوله_بستر_ایلیوب
#بابک_اردبیلی
#ترکی #زینبیه
#زبدةالاشعار