زبدةالاشعار

قارداشیم ئولدی قالمیشام آواره قارداش #عباسیه_اقدم_اهری

زبانحال امام حسین(ع) بر بالین قمر بنی هاشم(ع)
.
.
#سبک_ای_درد_بی_درمانلارا
.
.
امیر سفیدی اقدم اهری(عاذل)
.
.
قارداشیم ئولدی ،قالمیشام آواره قارداش
چارم آزالدی چاره قیل بو زاره قارداش
.
.
الده سو جامی، خیمه ده چوخ یالقیزیم وار
بیر جمع سرگردان عشق، نازلی قیزیم وار
اولسون سنه قربان نقدر آی اولدوزوم وار
گلمز سو اوسته هیچ بیری گفتاره قارداش
.
.
اوغلی ئولن قارداشیوی قارداشسیز ایتدون
یول یولداشیندان آیریلیب یولداشسیز ایتدون
باشسیزلاری آواره قویدون باشسیز ایتدون
جبرا گیدر دای قیزلاریم بازاره قارداش
.
.
نهرین کناری باصفادی طوره بنزر
یرده گیدن یوز گوز رخ مهجوره بنزر
قارداش بو پیکر خانه زنبوره بنزر
شان شانیسن ایوای منِ بی یاره قارداش
.
.
سن خسته قارداش درد الیندن منده خسته
قیزلاریم اولسیدی دوزردیم دسته دسته
من اولین بیر زائرم بو قبرین اوسته
باشیم اوجالدی گنبد دواره قارداش
.
.
خوللاریوی سندیردیلار قالدین بوجاخدا
گوزلور رقیم دور گیداخ یاتما اوزاخدا
اصغر چالخلیر خیمه ده، قالمور قوجاخدا
ایوای ربابه وای منه، قیل چاره قارداش
.
.
برپادی آل حیدره محشر سوسوزدان
یاندی دوداقلار خیمه ده یکسر سوسوزدان
پژمرده دی گلزاریده گللر سوسوزدان
سولدی سارالدی گللریم یکباره قارداش
.
.
فکر ایتمه ای یورقون هما بی آشیانسان
خوش حالیوه سن مرتضایه میهمانسان
شهپرلرین سنسادا طاووس جنانسان
چوخ بنزرین وار جعفر طیاره قارداش
.
.
محکم دایاندین دونمدین بیر آن سوزوندن
راضی سالوبسان قارداشی قارداش اوزوندن
مندن قاباق اوپدی بو پیکان صاق گوزوندن
بو صاق گوزون ده بس هانی آق قاره قارداش
.
.
چوخ سخت دور گچسین بو باش نوک جدایه
قرآنه بنزورسن داغیلسین آیه آیه
چارم اولا بیر بیر یغام جسمین عبایه
اوغلومدان اولدون مین بتر صدپاره قارداش
.
.
حشره کیمین عشق اهلینه قبله نماسن
حیدر منش، حیدر روش، چوخ باوفاسن
مشکلدیم ، سنده اخا مشکل گشاسن
دور حل ایله سن مشکلی زواره قارداش
.
.
ای حیدر ثانی نجه دوشدون کمنده
لحم و عظامین بیر بیره دگمش بدنده
آواره قالام اصغریم پیکان امنده
اولماز اونی مندن آلان مه پاره قارداش
.
.
ای سرو قدیم قدیوه آیا نه گلدی
رخساریوه، گوز قاشیوه جانا نه گلدی
قوللاریوه ای زائر زهرا نه گلدی
توش اولدی بیر گل حیف اولا مین خاره قارداش
.
.
سندن قاباق دگدی بو اوخلار پیکریمدن
عطری گلور، کام آلموسان سن کوثریمدن
دویدون نه تیز گلشن ده کی بو گللریمدن
افسوس اسیب باد خزان گلزاره قارداش
.
.
قان قاریشیب گوز یاشیوه بس نیلیوم من
آهن دگوبدور باشیوه بس نیلیوم من
دشمن گولور قارداشیوه بس نیلیوم من
دوندی گوزوم ده گوزیاشیم جویباره قارداش
.
.
“عاذل” یانار صبح و مسا قارداش غمینده
دویمور آدیندان غرق اولوب عشق عالمینده
بیماریدور ، دائم گوزی وار پرچمینده
بیمار عشقه چاره یوخ همواره قارداش
.
.
#عباسیه #اقدم_اهری #عباسیه_شهادت #ترکی #زبدةالاشعار

متن پیشنهادی:  بو حدیثی بویوروب حضرت صادق علنی #فاطمیه_انور_اردبیلی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی