زبانحال امام حسین (ع) به حضرت زینب (س) در شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_آتدان_یره_چون_دوشدی (با واگیر)
#سبک_یاران_چه_غریبانه (بدون واگیر)
#سبک_آی_گویده_کی_اولدوزلار (بدون واگیر )
.
روح الله رمضانی
.
گل زینب الیم اوسته اصغر بویانوب قانه
باخدوقجا بوغازینه گلَّم باجی افغانه
.
واگیر:
بوغازین بؤلؤبدی زهریلی پیکان
اصغریم اولوبدی قانینه غلطان
.
.
پیکان توخانوب حلقی نهر اولدی قوجاقیمده
قنداقینه میداندا قان دولدی قوجاقیمده
صبح اولدوزی تک آخدی تئز سولدی قوجاقیمده
گون گویده دوتوب ماتم بو اختر تابانه
.
.
بو اوخ بالاما زینب اولدی آنا پستانی
پستان یرینه امدی بو زهریلی پیکانی
پیکانی امن حالدا چیخدی بالامون جانی
باخدوقجا الولانّام بو پیکر بی جانه
.
.
بیر فکر ائله گور اوچ پر اوخ صود امره نیلر
نزدیکیدی آیریلسین خسته بدنیندن سر
هی وئردی الیم اوسته بیر یاره لی قوش تک پر
سینم باجی بو جانسیز طرلانه اولوب لانه
.
.
یتمیش ایکی یاوردن اصغر منه قالمیشدی
بو غنچۀ تر زینت بو گلشنه قالمیشدی
اوچ شعبه لی اوخ دگسون بو سوسنه قالمیشدی
بو گلده سولوب قالدی غم، غصّه لی باغبانه
.
.
اوخ حلقینه تا دگدی ساقدان صولا تئز چوندی
دوندی یوزومه باخدی بیر لحظه گولومسوندی
بیر شمع تک آهسته اصغر اریدی سوندی
بو غصه و غم گتدی میداندا منی جانه
.
.
اکبر یوخودی اما اصغر هله قالمیشدی
من آگهیدیم زینب بو مرحله قالمیشدی
ائتمیشدی جفا منقذ چون حرمله قالمیشدی
وئردی اودا بیر یاره بو قلب پریشانه
.
.
نوبت یتوب السّاعه قارداشیوه یا زینب
دور بو شهِ بی یاره آماده ائله مرکب
مندن الووی اوز قوی تا زنده قالا مذهب
باجادی اولا قربان جانیم باجی قرآنه
.
.
دوغراندی علی اکبر اوغلوم باجی شمشیره
اصغر بوغازین آچدی اوچ شعبه لی بیر تیره
باغلالّا جفا اهلی سجّادیمی زنجیره
شامه ساری یولالّا قول باغلی اسیرانه
.
.
.
#اصغریه_شهادت
#گل_زینب_الیم_اوسته_اصغر_بویانوب_قانه
#رمضانی_خاکی
#ترکی
.
✍️ #زبدةالاشعار ✍️
.
🆔: @nohe_torki
نظر دهید