قرین ظهر عاشوراده عباس #عباسیه_یحیوی_اردبیلی

شهادت حضرت ابوالفضل (ع)
جوشی زنجیر
.
✍️ #زبدةالاشعار ✍️
.
🆔: @nohe_torki
.
مرحوم یحیوی اردبیلی
.
قرین ظهر عاشوراده عباس
اولوب وصل حقه آماده عباس
رکوع ائتدی دوشوب بیردن سجوده
سالوب قاندان یئره سجاده عباس
.
.
ره حقده ائدوب ترک سر و جان
اولوب سرگرم وصل کوی جانان
آت أوسته غسل ائدوب مشکون سویندان
کفن قیلدی اوزینه لخته قاندان
حنوطی سنگباران نوک پیکان
فقط بیر منتظر جلاده عباس
.
.
دوشنده آتدان اول شیر یگانه
وقاریلن ادبلن فاخرانه
سلام ائتدی او شاه انس و جانه
حسین جان مندن اولدون راضی یا نه
وفاسین خدمتین گتدی بیانه
نه اینکه سسلدی امداده عباس
.
.
بدن سایسیز جراحتدور حسین جان
منه فکر ائتمه زحمتدور حسین جان
آنون زهرایه خدمتدور حسین جان
بو جاندا نه لیاقتدور حسین جان
یولوندا عین راحتدور حسین جان
وئره مین دفعه جان دعواده عباس
.
.
خانم زینب دن اولمیش بو روایت
حسینیملن واریدوم من او ساعت
بفوری ایلدی تغییر حالت
کأنّه روحی چیخدی قالدی صورت
بویوردی وای وحدت وای وحدت
باجی غرق اولدی قان دریاده عباس
.
.
ائدنده بزم میدان شاه جنّات
گتورسون هانسی قارداش یا اوغول آت
گئدن گلمز اله هیهات هیهات
اندوب زینب دلین قان بو حکایات
دئدی بس هارداسان ای شیر غزوات
حسین یالقوز قالوب گل داده عباس
.
.
بویوردی زینبه سلطان بی یار
گونوز بوندان صورا اولدی شب تار
گتور تئز ذوالجناحی ای دل افکار
یخیلدی بیدقیم اولدی نگونسار
شهادت جامینی ایچدی علمدار
یئره قولسوز دوشوب صحراده عباس
.
.
جلودار اولدی زینب زار و گریان
رکابیندن دوتوب کلثوم تالان
سوار اولدی آتا شاه لب عطشان
گلوب میدانه گوردى قالدی حیران
کنار نهر علقمدن آخور قان
دوشوبدور قوچ کیمی میناده عباس
.
.
#عباسیه_یحیوی_اردبیلی
#عباسیه_شهادت
#قرین_ظهر_عاشوراده_عباس
#ترکی
.
✍️ #زبدةالاشعار ✍️
.
🆔: @nohe_torki
.
.