زبانحال جناب سیدالشهداء (ع) به خواهر
در شهادت حضرت علی اکبر(ع)
..
..
..
..
مرحوم شانی تبریزی
..
..
..
..
گل گتوردوم اکبر عطشانی گلدیم گل باجی
ایتماقا مجنون غم لیلانی گلدیم گل باجی
..
..
..
..
من یتینجه دادینه صیاد دون نابکار
ایلمیشدی بو غزالی دام ظلمیله شکار
زخمدار آهو کیمی گوردوم وجودی آشکار
قانیله الوان ایدوب میدانی گلدیم گل باجی
..
..
..
..
باشلاسون شوریله ناله عترت یاسین هامی
بلبلی اولسون داغیلمیش بو گل یاسین هامی
اکبر ناکام ئولوبدور ساخلاسون یاسین هامی
گتدیم هم یاسینی هم طاهانی گلدیم گل باجی
..
..
..
..
هرقدر اوغلى ئولن وار آه و واویلائیله
وار یری اولسون شریک درد و غم لیلائیله
سالماقا شور قیامت بو قد بالائیله
خیمه گاهه محشر کبرانی گلدیم گل باجی
..
..
..
..
ایستدیم افلاکه بیرده آه و واویلا سالام
بیر جوان ناکام ویروب جانانه کام دل آلام
من باخوردوم قان ایچینده ال ایاق چالدی بالام
آخدی گوز چیخدی بدندن جانی گلدیم گل باجی
..
..
..
..
گورموشم چوخ داغ لر یورقوندی جانیم خسته ام
سن بولورسن من نقدری اکبره دلبسته ام
اوغلومون جانی چیخوب اما ئوزوم جان اوسته ام
صبریمه حیران قویوب دنیانی گلدیم گل باجی
..
..
..
..
گلمسیدون خمیه دن سن ای باجی افسرده حال
نعشی اوستوندن دوروب سالم گلیدیم من محال
گلماقون میدانه ائتدی رفع حال ارتحال
تازه دن بیر ساعتین مهمانی گلدیم گل باجی
..
..
..
..
حالیمی آنلار منیم رخساریمه هر کیم باخار
یاندیرور آهیم اودی بو کون و امکانی یاخار
بو منیم قانیمدی جسم زخمداریندن آخار
بیر گون اوز اوغلوم آلور بو قانی گلدیم گل باجی
..
..
..
..
اوندا که تاپدیم عزیز جانیمی جان اوسته من
یدّی دفعه وای اوغول وای سسلدیم پیوسته من
جمع ایدوب اوراق اولان گلدن باجی بیر دسته من
ارغوانی صورتی حمرانی گلدیم گل باجی
..
..
..
..
باغیمی خلوت گوروب گل دوره سین آلموشدی خار
اوغلومی یالقوز تاپوب دشمن ایدردی افتخار
اولمادیم راضی اولا دشمنلر ایچره نعشی خوار
جمع ایدوب بو دوغرانان اعضانی گلدیم گل باجی
..
..
..
..
ایتسه استفسار حالین لیلی بی اقربا
منده یوخ نطق و بیان توضیح حاله زینبا
حالینین کیفیتین ایلر حکایت بوعبا
صورته سالدیم اؤزوم معنانی گلدیم گل باجی
..
..
..
..
هر مصیبت یتسه حقدن وار باجی منده دؤزوم
بیله صبریله گنه گلمور دیزیم گورمور گؤزوم
حال لیلادن ولی بالمرّه آگاهم اؤزوم
حالینون وار منده چون میزانی گلدیم گل باجی
بسکه چوخ شدّتده دور سوز گداز آفتاب
خون زخمین خشک ایدوب گویا یانور اوددا کباب
عمّه لر سویسون لباسین باجیلار سپسون گلاب
ایتماقا مشک و گلاب افشانی گلدیم گل باجی
..
..
..
..
گورموشم قان پرده سیندن عارض برّاقنی
اعتدال ایتمز سرشکیم قلبیمون احراقنی
جمع ایدوب یغدیم عبایه پیکر اوراقنى
یعنی بیر دسته گل خندانی گلدیم گل باجی
..
..
..
..
وارث نوح و خلیلم خوشدی بو رنج و عنا
ایلدیم کرب و بلا دشتین بو گون کوه منا
اکبریم جان ویردی ایتدیم حقّه چوخ حمد و ثنا
باشه ویردیم باشدا کی پیمانی گلدیم گل باجی
..
..
..
..
شوقدندور نه کدورتدن اولور اشکیم روان
کیمده وار بو قوّت دل بو تحمل بو توان
ویردیم اوز جانانیمه جانیمدن آرتوخ بیر جوان
عهدیمون تا قالماسون نقصانی گلدیم گل باجی
..
..
..
..
«شأنی» وارشکری بونون یوخدور سنی تشویق ایدن
نشر ایدن اشعاریوی تحسین ایدن تصدیق ایدن
سوز دگل فکری بولر الهامیدور تحقیق ایدن
ملهم غیبی دیدی پنهانی گلدیم گل باجی
..
..
..
..
شکرینه عاجزدی دل بو نطق بو آغلار گوزون
ای خدای لم یزل دللردن آگهسن اوزون
گورمه میشدیم من «شهابون» بو ردیف اوسته سوزون
نظم ایدن گونده همین عنوانی گلدیم گل باجی
..
..
..
..
#اکبریه #شانی_تبریزی #اکبریه_شهادت #ترکی #زبدةالاشعار
نظر دهید