شهادت حضرت موسی ابن جعفر (ع)
.
#زبدةالاشعار
.
: @nohe_torki
.
مرحوم تائب تبریزی
.
گل گوزوم نوری رضا ولدی یا ولدی
منی تاپ غربت آرا ولدی یا ولدی
.
.
بیر غریبم که دوشوب اوزاقیمدا وطنیم
کنج زنداندی یریم یوخدی بیر یاد ایدنیم
وارنه بیر یاد ایدنیم نه گلوب نه گیدنیم
دردیمی دلدن آلا ولدی یا ولدی
.
.
همدمیم داد و نوا من نوا همدمیم
مونسیم درد و بلا من بلا همدمیم
ائدَرَم حقّه ثنا من ثنا همدمیم
دائماً صبح و مسا ولدی یا ولدی
.
.
دل زندان ده تک بیرزمین گیرم اوزوم
اورگیم درده گلور دولور اشگیله گوزوم
سوز آلان اولسا اگر دلده وار چوخلی سوزوم
ایدرم ذکر و ادا ولدی یا ولدی
.
.
اولمارام خسته گیدم نقدر راه وفا
هدف اوستونده یریم اولا زندان جفا
نور جانان ویروری بوسنق قلبه صفا
حبس اولوب دار صفا ولدی یاولدی
.
.
گرچه اُلفت یتوروب دل زندان منیله
دائم اُنسیّت ایدوب غم هجران منیله
لیک وار مرحمت حق سبحان منیله
منله دور لطف خدا ولدی یا ولدی
.
.
سعی ایدر دوستلریم منیله دید ایلسون
پایۀ مهرلرن منه تشدید ایلسون
عهد و میثاق لرین گنه تجدید ایلسون
منع ایدور اهل جفا ولدی یا ولدی
.
.
یولی مسدود ایلیوب ایله هارون دنی
شیعه لر تاپموری یول ایده لر درک منی
شوم مأمو لرى قایتریللر گله نی
قان اوتور اهل وفا ولدی یا ولدی
.
.
وار کیمیم غربت آراگوره سولموش یوزومی
یته درد دلیمه آلا دلدن سوزومی
گل اوغول قویما منیم قالا یولدا گوزومی
گوزیمه نور و ضیا ولدی یا ولدی
.
.
قیدیمه یوخدی قالان قیدیمه گل قال اؤزون
قوللارین رأفتیله بوینوما بیر سال اؤزون
صون نفسده باشیمی دیزون اوسته آل اؤزون
ای گوزل آدی رضا ولدی یا ولدی
.
.
نچه ایل گورمه میشم باغریقان قزلاریمی
دلستان قزلاریمی خوش بیان قزلاریمی
گوزده اشگ آختاریرام مهربان قزلاریمی
صون نفس غربت آرا ولدی یا ولدی
.
.
کاش معصومه اولا بوردا دل داغلاماقا
باشیم اوستونده منیم شوریله آغلاماقا
اوزی همت ایلیه گوزیمی باغلاماقا
اولورام دینه فدا ولدی یا ولدی
.
.
تائبا بو قاپویه سالمیسان یاخشى اؤزون
بوردان اوزگه قاپویه گوزله دوندرمه یوزون
ایسته آل ایستدوقون بیرده ذکر ایله سوزون
ای گوزوم نوری رضا ولدی یا ولدی
.
.
.
.
#کاظمیه_تائب_تبریزی
#کاظمیه_شهادت
#گل_گوزوم_نوری_رضا_ولدی_یا_ولدی
#ترکی
.
#زبدةالاشعار
.
: @nohe_torki
نظر دهید