گنهکارم غمیم چوخدی یانور دل سیاهیم الله #مناجات_محمدباقر_دائمی

مناجات
.
.
.
#سبک_حسین_جان_گل_علمدارون
#سبک_خداوندا_الیم_بوشدی
.
محمد باقر دائمی اردبیلی
.
گنهکارم غمیم چوخدی
یانور دل سیاهیم الله
منه یار اول مددکار اول
یوخومدی بیر پناهیم الله
.
اولوبدی ازبریم الهی
باغیشلا سن بو روسیاهی
.
.
.
سنه لایق خلوصیلن
عبادت ائتمدیم ئورکدن
الیم بوشدی سانا گلمز
شمار اشتباهیم الله
.
.
جهالتدن خطا ائتدیم
اسیر نفس سرکش اولدوم
پریشانم پریشانم
ئوزون سن اول گواهیم الله
.
.
خجالتدن گوزوم یاشی
سزادی گوزده قانه دونسون
همیشه خیر عملدن چوخ
اولوب منیم گناهیم الله
.
.
کمک ایله الیمدن دوت
چاتوم ئورکده کی مرامه
صراط المستقیم اولسون
همیشه شاهراهیم الله
.
.
بحق ساقی کوثر
توجه ائت بو دردمنده
چخور عرشه دل شبده
یانقلی سوز آهیم الله
.
.
#گنهکارم_غمیم_چوخدی_یانور_دل_سیاهیم_الله
#ترکی #مناجات_محمدباقر_دائمی
.
.