گهواره ده ایمدی سسون آلدیم بابا لبّیک #اصغریه_صافی_تبریزی

زبانحال حضرت علی اصغر (ع) در قیام به یاری امام حسین(ع)
.
#زبدةالاشعار
.
: @nohe_torki
.
#سبک_ای_باد_صبا … 7 سبک
.
مرحوم صافی تبریزی
.
.
گهواره ده ایمدی سسون آلدیم بابا لبّیک
امدادیوه من آخره قالدیم بابا لبّیک
.
.
تا گلدی سسون ائندی بو دعوت منی خرسند
گل بول منیده لایق درگاه خداوند
آند اولسون عزیز جانوه جانانوه سوگند
گهواره ده ایمدی سسون آلدیم بابا لبّیک
.
.
بیر عمر که گوندور گجه فریاده گلوردوم
من محض بو ساعتدن اؤتور داده گلوردوم
بولسیدیم اگر اذن وار امداده گلوردوم
گهواره ده ایمدی سسون آلدیم بابا لبّیک
.
.
گلجاق سسون اوّل بابا حیرتده دایاندیم
یانموش جگریله گنه بو حالیوه یاندیم
گوردوم سو وئرور حرمله یاتموشدوم اویاندیم
گهواره ده ایمدی سسون آلدیم بابا لبّیک
.
.
جانانوه قربان وئریلن نچّه نفردن
منده بیریَم قویما قالوم من بو سفردن
گلّم الون اوستونده گچم مدِّ نظردن
گهواره ده ایمدی سسون آلدیم بابا لبّیک
.
.
سانما منی بیر غنچۀ نشکفتۀ گلدور
چوخ آغلاموشام گل آل آپار گل کیمی گولدور
وئر اوخ دمینه شأنیمی عالملره بولدور
گهواره ده ایمدی سسون آلدیم بابا لبّیک
.
.
من بیله بولوردوم چکیلن یانه دگولدوم
کیم لایق قربانگه جانانه دگولدوم
یار اولماقا من که بابا بیگانه دگولدوم
گهواره ده ایمدی سسون آلدیم بابا لبّیک
.
.
بو گون هر آنا باشین اوغول مرگی اوجاتدی
باطنده آنام رنگینی بو غصّه ساراتدی
بیر نوع بو ساعت اودا مقصودینه چاتدی
گهواره ده ایمدی سسون آلدیم بابا لبّیک
.
.
شیون اوجالانموشدی ز بس اهل حرمدن
گلمزدی سسون خیمیه بو نچّه قدمدن
بولموردوم علمدارون الین اوزموش علمدن
گهواره ده ایمدی سسون آلدیم بابا لبّیک
.
.
وئردون نچه قربان هاموسی گوزلری مَکحول
قربانلاریوی ایلسون الله ئوزی مقبول
بولدون نه عجب بو قوزی قربانوی معمول
گهواره ده ایمدی سسون آلدیم بابا لبّیک
.
.
الجاق سسیوی مهد منی ییخدی لَحَد وار
سالدی یره بو واقعه دن ائتدی خبردار
یتدی منه ده ئوزگه لره کشف اولان اسرار
گهواره ده ایمدی سسون آلدیم بابا لبّیک
.
.
من قابل درکم بابا نه قابل تَرکَم
تازه ویری باش شاخۀ گلده من او بَرگم
گل آل اَلون اوسته نجه گور شایق مرگم
گهواره ده ایمدی سسون آلدیم بابا لبّیک
.
.
قربان سته کیمدور که سنون تک وئره قربان
اکبر تک اوغول امت پیغمبره قربان
وئر اصغریده اوغلون على اکبره قربان
گهواره ده ایمدی سسون آلدیم بابا لبّیک
.
.
سوز عطش ایلوبدی اگر چه منی بیتاب
من طالب اولان سو ، دگول اما بابا نایاب
اِلّا دَمِ پیکان ایلمز اصغری سیراب
گهواره ده ایمدی سسون آلدیم بابا لبّیک
.
.
لایق دگو هرگز ایده لر شأنیمی تصغیر
بیر اوچیه وئرموبله نشان من کیمی نخجیر
آماده ام اولماقه یولوندا هدف تیر
گهواره ده ایمدی سسون آلدیم بابا لبّیک
.
.
«صافی» سنه بو طرز سخن بسدی مُقدَّر
بول قدرینی استاد ، سوزون سانما مُحقَّر
هر بیتده قیل مصرعی آخرده مُکرَّر
گهواره ده ایمدی سسون آلدیم بابا لبّیک
.
.
#اصغریه_صافی_تبریزی
#اصغریه_شهادت
#گهواره_ده_ایمدی_سسون_آلدیم_بابا_لبیک
#ترکی
.
#زبدةالاشعار
.
: @nohe_torki